"Bu gün nə qədər çalışsaq da İrana meyilli şəxslərin
qarşısını ala bilməyəcəyik. Çünki bu qruplaşmalar çoxdan yetişdirilib və öz davamçılarını
da yetişdirirlər".
Bunu Sfera.az-a açıqlamasında ilahiyyatçı Elşad
Miri deyib. İlahiyyatçı təbliğatın qarşısının alınmamasında dini qurumları da günahkar
hesab edir:
"Bu şəxslər sosial şəbəkələrdə müxtəlif
istiqamətlərdə müzakirələrə qoşularaq bir-birlərini tək buraxmırlar. İndi biz
sosial şəbəkələrdə görürük onları, lakin sosial şəbəkəyə girməyən, evlərdə də İran
təbliğatı aparan insanlar çoxdur. Bu gün Azərbaycanın din rəsmisi İranın
liderini öz rəhbəri olaraq qəbul edirsə, onun yanında çalışan, vəzifəsi olan
din xadimlərindən nə gözləmək olar? Bu gün Dini Qurumlarla İş üzrə Dövlət Komitəsinin
gödüyü iş nədən ibarətdir? Qurumun işçiləri icra hakimiyyətlərinin müəyyənləşdirdiyi
adamlara din mülahizələri oxuyurlar, konfrans keçirirlər, yaxud dini icmaları
qeydiyyata alırlar".
Müsahibimiz 5-10 illik planın hazırlanmasının zəruri
olduğunu qeyd edib:
"Birinci növbədə Dini Qurumlarla İş üzrə Dövlət
Komitəsinə (DQİK), Qafqaz Müsəlmanları İdarəsinin işçilərinə din siyasəti hansı
şəkildə aparılmalıdırsa, o öyrədilməlidir. Faktiki olaraq DQİK-nin rəhbəri dini
bilməyən insandır. Belə olan halda həmin qrupdan başqa nə gözləmək olar? Bu məsələrdə
ciddi addım atılmalıdır. Problemdən çıxış yolu əvvəlcədən planlaşdırılmalıdır.
Rayonların 5-10 illik inkişaf planı qurulduğu kimi bu təbliğatın qarşısının alınması
üçün də planlar qurulmalı, kadrlar təyin olunmalıdır".
Əzizə Zeynal
Sfera.az