Bakıda beynəlxalq turizm tədbiri keçirilir - FOTO
İyunun 5-də Bakıda BMT Turizmin Avropa üzrə Regional Komissiyasının 71-ci iclası keçirilir. Üç gün davam edəcək iclasda 40-a yaxın ölkədən 150-dən çox nümayəndə iştirak edir.
Sfera.az xəbər verir ki, bu tədbirin Bakıda keçirilməsi ilə bağlı razılaşma Madrid şəhərində keçirilən “FITUR” beynəlxalq turizm sərgisi zamanı imzalanmışdı.
Tədbirdə çıxış edən Dövlət Turizm Agentliyinin sədri Fuad Nağıyev Azərbaycanın belə mötəbər tədbirə ev sahibliyi etməsindən məmnunluğunu bildirib.
O qeyd edib ki, iclas çərçivəsində maraqlı və turizm sahəsində mühüm məsələlər müzakirə mövzusu olacaq.
Ümumdünya Turizm Təşkilatının icraçı direktoru Natalia Bayona isə Azərbaycanda turizm sahəsinin inkişafı istiqamətində aparılan işləri yuksək qiymətləndirib və tədbirin işinə uğurlar arzulayıb.
Bəsti Rəfizadə
Sfera.az
