"İqtidarın içində "zəncirlənmiş', "qandallanmış" gənclər çox olduğuna görə müxalifət belə qol-qanad aça bilib. Və ya elə əvvəldən iqtidarın içindəki bəzi insanların planı bu olub ki, Prezidentin və dövlətçlik təfəkkürü olan qabiliyyətli gənclərin müsbət enerjisi birləşməsin”.

Sfera.az xəbər verir ki, bu sözləri son günlər baş verənlərə münasibətini ifadə edərkən sabiq millət vəkili Ceyhun Osmanlı özünün facebook səhifəsində yazıb.

"19 Oktyabr bir çox mətləblərin üzə çıxdığı gündür. Bu faktdır ki, bu gün hökümətin müdafiəsində dayanan 1 nömrəli qüvvə Yeni Azərbaycan Partiyası, xüsusilə o partiyanın gəncləridir. Mən YAP üzvü deyiləm və bu barədə tərif demək öhdəliyim də yoxdur. Amma YAP ən güclü partiya olsa belə (özləri də etiraf edir ki, YAP üzvü 700 min nəfərdir) elektorat isə bu rəqəmdən ən az 8 dəfə daha çoxdur. Bəs 5 milyon nəfər?”.

Neytral elektoratla qurulan işi qənaətbəxş saymayan Ceyhun Osmanlı düşünür ki, bu sahədə ciddi addımlara ehtiyac var: "Bu elektoratın mütləq əksəriyyəti İlham Əliyevi dəstəkləsə də sual olunur ki, bu elektoratla institusional səviyyədə işləyən neçə partiya vəya hərəkat var? Haradadır gənclər hərəkatları? Haradadır QHT Alyansları? Sabah bu elektoratdan müxalifət partiyalarına keçən olanda cavabdehi kim olacaq?”

P.S. Cənab Prezidentin islahatlara çağırış barədə çıxışından sonra bəzilərinə əhval-ruhiyyəni korlamaq lazım idi və buna nail oldular...