Sfera.az xəbər verir ki, tədqiqatçıların fikrincə bu təcrübələr immun sistemimizin yeni bir infeksiyaya qarşı qurduğu mexanizmi təyin etməyə imkan verəcək.  Bu da öz növbəsində ölümcül COVID-19-a qarşı effektiv bir peyvənd hazırlamağa kömək edəcək.

Onların sözlərin görə, aparılan araşdırmalar artıq çox müsbət rəylər verir.

Avstraliya alimləri bildiriblər ki, yeni infeksiyaya qarşı mübarizədə orqanizmdə dörd növ immun hüceyrəsi iştirak edir.

Tədqiqatlar sağlam, koronavirusu yüngül keçirən bir qrup könüllülər üzərində aparılıb. Elm adamları xüsusilə 14 gündən sonra sağalmış Çinin Vuhan şəhərindən olan 47 yaşlı bir pasientdə xəstəliyin gedişatını müşahidə ediblər.

Professor Ketrin Kedrizskoyun sözlərinə görə, çinli qadın sağalmağa başlamadan 3 gün əvvəl, onun qanında xüsusi hüceyrələr tapılıb. Eyni hüceyrələrə adi zökəm xəstələrinin qanında da rast gəlinib.

İndi alimlərin qarşısında yeni bir vəzifə durur: Ən ağır hallarda xəstənin immun sisteminin virusun mənbəyinə daha az reaksiya verdiyini müəyyən etmək.