İnflyasiyanın yüksəlməsi uçot dərəcəsinin endirilməsini çətinləşdirib - ŞƏRH
15:14 / 30.04.2021
2468
Gözlənildiyi kimi, Azərbaycan Mərkəzi Bankının İdarə
Heyəti bu gün keçirilən toplantısında da uçot dərəcəsini sabit saxlamaq
haqqında qərar qəbul edib.
Qərara əsasən, uçot dərəcəsi 6,25%-də, faiz dəhlizinin
aşağı həddi 5,75%-də, faiz dəhlizinin yuxarı həddi 6,75% səviyyəsində qalıb.
Ötən ilin noyabrına qədər uçot dərəcəsi
azaldılırdı. Uçot dərəcəsi 2016-cı ildə 15 faizə qaldırıldıqdan sonra bir müddət
sabit saxlanıldı. 2018-ci ildən uçot dərəcəsində enmə dinamikası başlanıldı və
ilin sonunda 9,75 faizə, 2019-cu ildə 7,5 faizə, 2020-ci ildə 6,25 faizə salındı.
Uçot dərəcəsi istehlak bazarında baş verən qiymət dəyişiklikləri
və makroiqtisadi vəziyyət nəzərə alınaraq müəyyənləşdirilir. Bir qayda olaraq
inflyasiya hədəf səviyyədən yüksək olduqda uçot dərəcəsi artırılır, aşağı
olduqda isə azaldılır. 2016-2017-ci illərdə uçot dərəcəsinin yüksəldilməsi məhz
bahalaşmanın yüksək olması ilə bağlı idi. Həmin illərdə qiymətlər 10-13 faiz
intervalında artdı. Amma 2018, 2019 və 2020-ci illərdə qiymət artımı 2-3 faiz
intervalında baş verib. Buna görə də uçot dərəcəsi endirilib.
2021-ci ildən qiymətlərdə artım sürəti güclənib və
yanvar-martda bahalaşma 3,9 faiz, bu ilin martında ötən ilin martına nisbətən
isə 4,1 faizə yüksəlib. Bu, səviyyə Mərkəzi Bankın hədəf diapozonuna uyğundur.
Mərkəzi Bank inflyasiyanın 4 faiz olmasını hədəfləyir.
Vasif