No Image
No Image

İlham Əliyev: "Nə status var, nə Dağlıq Qarabağ"

İlham Əliyev:
"Şarl Mişelin status, Dağlıq Qarabağ sözlərini işlətməməsi, əlbəttə, çox müdrik bir addım idi. Bu, dövlət xadiminin addımı idi. Biz bunu qiymətləndiririk və Ermənistan da bundan nəticə çıxarmalıdır. Nə status var, nə Dağlıq Qarabağ".

Sfera.az xəbər verir ki, bu fikirləri Prezident İlham Əliyev Azərbaycan Televiziyasına müsahibəsində bildirib.

Dövlət başçısı qeyd edib ki, Dağlıq Qarabağ Muxtar Vilayəti 1923-cü il iyulun 7-də süni qurum kimi yaradılmışdı. Sadəcə olaraq, o vaxt sovet hökumətində təmsil olunan ermənilər demək olar ki, bu qanunsuz və heç bir əsası olmayan qərarı qəbul etdilər və əlbəttə, Sovet Azərbaycanı o vaxt məcbur olub bununla razılaşıb, barışıb. Heç bizi soruşan da yox idi. Azərbaycan parlamenti müstəqillik bərpa olunandan bir ay sonra - 1991-ci ilin noyabrında Dağlıq Qarabağ Muxtar Vilayətini ləğv edib. Bu hamısı sənədlərdir, özü də qanuni şəkildə ləğv edib.

Bundan sonra nə üçün Dağlıq Qarabağ sözündən istifadə olunduğunu izah edən Prezident İlham Əliyev deyib: "Münaqişəyə görə. Beynəlxalq sənədlərdə də, ondan sonra danışıqlar masasında da, mən şəxsən özüm dəfələrlə Dağlıq Qarabağ sözünü işlətmişəm münaqişə ilə bağlı, ərazi ilə bağlı yox. Onu da bildirməliyəm ki, hər dəfə münaqişə ilə bağlı mən hansısa məsələyə toxunanda həmişə deyirdim Ermənistan-Azərbaycan Dağlıq Qarabağ. Heç vaxt Ermənistan-Azərbaycan demədən Dağlıq Qarabağ münaqişəsi sözünü işlətməmişəm. Bunun da səbəbi var, elə-belə deyil. Müharibə başa çatandan, münaqişə öz həllini tapandan sonra, əlbəttə, Dağlıq Qarabağdan danışmaq yersizdir. Ona görə mən demişəm ki, Azərbaycanda belə bir ərazi vahidi yoxdur. Əgər bu söz kiminsə xoşuna gəlirsə, mən etiraz etmirəm, getsinlər öz ölkələrində Dağlıq Qarabağ adlı bir vilayət yaratsınlar, yaxud da ki, bir rayon adlandırsınlar, ya cümhuriyyət yaratsınlar, onların işidir. Yəni, Azərbaycan ərazisində Dağlıq Qarabağ adlı inzibati ərazi yoxdur və Şarl Mişelin bu sözləri işlətməməsi, əlbəttə ki, bizim mövqeyimizə göstərdiyi hörmətin əlaməti kimi qəbul edilməlidir. Status məsələsi də, həmçinin. Mən müharibə başa çatandan sonra noyabrın 10-da statusun yerini göstərmişdim. O, hələ oradadır və orada qalacaq yana-yana, əbədi. Ona görə bu məsələ ilə də bağlı başqa fikir ola bilməz”.

Sehliyali
Turan Bank

OXŞAR XƏBƏRLƏR

Qərb ölkələri Rusiyanı niyə sevmir? - Lavrov səbəbini açıqladı

Rusiya Xarici İşlər Naziri Sergey Lavrov, Qərb ölkələrinin Rusiyanı sevməmə səbəbini açıqlayıb. Sfera.az Sputnik-ə istinadən xəbər verir ki, Lavrov Qərb...

Tahir Tağızadə Londondan Budapeştə göndərildi - SƏRƏNCAM

Tahir Tofiq oğlu Tağızadə Azərbaycan Respublikasının Macarıstan Respublikasında fövqəladə və səlahiyyətli səfiri təyin edilib. Sfera.az-ın məlumatına görə...

“İran Ermənistanda "Ağıllı şəhər" qurmağı planlaşdırır”

"Ermənistan saytlarına nə zaman daxil olsam, İran nümayəndə heyəti, iranlı biznes elitası bu ölkədə filan tədbir keçirdiyinin, filan sahəyə investisiya yartırdı...

İlham Əliyev: "Nə status var, nə Dağlıq Qarabağ"

"Şarl Mişelin status, Dağlıq Qarabağ sözlərini işlətməməsi, əlbəttə, çox müdrik bir addım idi. Bu, dövlət xadiminin addımı idi. Biz bunu qiymətləndiririk və Erm...

Prezidentlərin görüşündə vacib məqam: “Ermənistan istəməsə də, Zəngəzur dəhlizi açılacaq”

"Azərbaycan və Rusiya prezidentləri arasında baş tutan görüşdən müsbət nəticələr gözləyə bilərik. Əgər görüşdə Zəngəzur dəhlizi müzakirə edilibsə və Rusiya tərə...

"İran bu gün də Xankəndinə “humanitar yardım” adı altında yük daşıyır" - Politoloq

"İran işğal dövründə təkcə Ermənistana yox, Qarabağdakı separatçılara da dəstək verən ölkədir”.   Sfera.az bildirir ki, bunu siyasi şərhçi Asif Nərimanlı...