No Image
No Image

İlham Əliyev iki zavodun təməlini qoydu - FOTOLAR

İlham Əliyev iki zavodun təməlini qoydu - FOTOLAR
Yanvarın 18-də Sumqayıt Kimya Sənaye Parkında "Azərsulfat” MMC-nin sulfat turşusu istehsalı, "Glassica” QSC-nin şüşə tara məhsullarının istehsalı zavodlarının təməli qoyulub, "Azerfloat” QSC-nin termoformasiya metodu ilə vərəqə şüşə istehsalı müəssisəsinin açılışı olub.

Sfera.az xəbər verir ki, Azərbaycan Prezidenti İlham Əliyev tədbirlərdə iştirak edib.

Sumqayıt Kimya Sənaye Parkının rezidentlərindən biri də "Glassica” Qapalı Səhmdar Cəmiyyətidir. Cəmiyyət burada şüşə tara məhsullarının (butulka) istehsalı zavodunu inşa edəcək. Müəssisənin məhsulları əsasən qida sektorunda qablaşdırmada istifadə olunacaq. İnvestisiya dəyəri 12 milyon ABŞ dolları olan müəssisədə 160 nəfər daimi işlə təmin ediləcək.

Prezident İlham Əliyev zavodun təməlini qoyub.

Dövlət başçısına məlumat verilib ki, Azərbaycanda daxili bazarın rəngli butulkaya olan tələbatı təqribən 45-50 milyon ədəd arasında dəyişir. Zavodda 60-90 milyon ədəd müxtəlif çeşidli rəngli şüşə tara məhsullarının istehsalı nəzərdə tutulur. Yəni, daxili bazarın tələbatı tam ödənilir, nəticədə ixrac perspektivi yaranır.

***

"Azərsulfat” MMC-nin "sulfat turşusu istehsalı” layihəsi çərçivəsində tikiləcək zavodun investisiya dəyəri 6 milyon ABŞ dollarıdır. Zavodda ildə 20 min ton məhsul istehsalı nəzərdə tutulur. Bu ilin sonunda fəaliyyətə başlayacaq zavodda 30-dan çox iş yeri yaradılacaq.

Dövlət başçısı müəssisənin təməlini qoyub.

Bildirilib ki, təkcə son 3 ildə Azərbaycana hər il 5–10 min ton sulfat turşusu idxal edilir və bu zavodun fəaliyyətə başlaması ilə idxal yerli istehsalla əvəz olunacaq. Məhsulların növbəti mərhələlərdə Gürcüstana və Rusiyaya ixrac edilməsi də planlaşdırılır.

***

"Azərfloat” QSC-nin vərəqə şüşə istehsalı zavodu Azərbaycanda termoformalaşdırılmış şüşə hazırlanması üzrə ilk müəssisədir.

Ümumi investisiya dəyəri 100 milyon avro olan zavodda ildə 80 min ton müxtəlif çeşiddə vərəqə şüşə istehsal ediləcək. Müəssisənin layihələndirilməsi və qabaqcıl texnologiyalarla təchiz olunması Almaniyanın dünyada şüşəəritmə texnologiyaları sahəsində 135 illik təcrübəyə malik "HORN Glass Industries AG” şirkəti tərəfindən təmin edilib. Müəssisədə İtaliya, Finlandiya və Çin texnologiyalarından da istifadə olunur.

Dövlət başçısı zavodu işə salıb.

Turan Bank

OXŞAR XƏBƏRLƏR

Rövşən Əkbərovun yerinə bu general təyin olundu - FOTO

Xəbər verdiyimiz kimi, Azərbaycan Ordusunun birlik komandiri general-leytenant Rövşən Əkbərov vəzifəsindən azad edilib. Sfera.az bildirir ki, Unikal.org-u...

İlham Əliyev iki zavodun təməlini qoydu - FOTOLAR

Yanvarın 18-də Sumqayıt Kimya Sənaye Parkında "Azərsulfat” MMC-nin sulfat turşusu istehsalı, "Glassica” QSC-nin şüşə tara məhsullarının istehsalı zavodlarının t...

Ermənistan Naxçıvana yol açılmasının ləğvi üçün Rusiyaya müraciət etdi - FOTO

Ermənistan hökuməti Mehri dəhlizinin açılmasına şərait yaradan 9-cu bəndinin ləğv edilməsi üçün Rusiyaya müraciət edib. Sfera.az xəbər verir ki, bu barədə...

Sülhməramlıların yeni FOTOLARI

Məlum olduğu kimi, Azərbaycan Prezidentinin, Ermənistan Baş nazirinin və Rusiya Federasiyası Prezidentinin razılaşmalarına uyğun olaraq, Dağlıq Qarabağ münaqişə...

İşğal olunmuş rayonlarımızda məskunlaşan xarici ermənilər - FOTOLAR

Son 28 ildə Ermənistan aktiv şəkildə xarici ölkələrdə yaşan erməni əhalinin Qarabağda qanunsuz məskunlaşdırılmasını həyata keçirir.  "BBC Rus" agentl...

Ermənistanın Suriyadan Dağlıq Qarabağa gətirdiyi muzdluların SİYAHISI ÜZƏ ÇIXDI - FOTOLAR

Artıq hamıya məlumdur ki, Azərbaycan Ordusu qarşısında ağır məğlubiyyətə uğrayan Ermənistan Suriyadan Dağlıq Qarabağa muzdlu döyüşçülər gətirir.    ...