No Image
No Image

İlham Əliyev Günnüt əməliyyatı ilə bağlı bu detalı ilk dəfə AÇIQLADI: "Biz heç üstünü vurmadıq"

İlham Əliyev Günnüt əməliyyatı ilə bağlı bu detalı ilk dəfə AÇIQLADI:
"Deyə bilərəm ki, bütövlükdə Azərbaycan Ordusuna xaricdən gətirilmiş texnikaların böyük əksəriyyətinin nümunələri Naxçıvan Muxtar Respublikasında mövcuddur. Əlbəttə ki, Naxçıvan Ümumqoşun Əlahiddə Ordunun döyüş qabiliyyəti də yerindədir və uğurlu Günnüt əməliyyatı - üç il bundan əvvəl keçirilmiş əməliyyat bunun bariz nümunəsidir".
 
Sfera.az xəbər verir ki, bunu Prezident İlham Əliyev mayın 10-da Naxçıvan Muxtar Respublikasına səfəri çərçivəsində Azərbaycan Televiziyasına müsahibəsində deyib.
 
"O əməliyyat Ermənistanda hakimiyyət dəyişikliyinə təsadüf etdi, ona görə, hakimiyyətə gəlmiş yeni iqtidar bunu bir növ ört-basdır etməyə çalışdı. Biz də heç üstünü vurmadıq. Çünki bizə hansısa təbliğat yox, real iş lazımdır. Biz çox önəmli strateji yüksəklikləri Ermənistan ordusundan təmizlədik, o yüksəklikləri əldə etdik. Bu yüksəkliklər imkan verdi ki, biz artıq strateji kommunikasiyalara tam nəzarət edirik və Ermənistandan Dağlıq Qarabağa gedən yola da nəzarət edirik. İkinci Qarabağ müharibəsində bu yola nəzarət imkanlarımız bizə bir çox informasiyanın əldə edilməsində kömək göstərdi. Qarşı tərəf bilir ki, bizim nəzarətimizdə olan bu kommunikasiyalar istənilən vaxt kəsilə bilər və əlbəttə, öz addımlarını buna uyğun atmalıdır.

Günnüt əməliyyatı, biz də dediyim kimi, bunun üstünü vurmaq istəmədik. Amma ondan sonra Ermənistanın artıq devrilmiş hakimiyyətinin jurnalist nümayəndələri gedib bizim yeni postlarımızı çəkib, bunu internetdə qoyubdur, paylaşıbdır və ondan sonra Ermənistanda hay-küy qalxdı. Onda mən dedim ki, daha biz də niyə gizlətməliyik? Naxçıvan Muxtar Respublikasının Ali Məclisinin Sədrinə tapşırıq verdim ki, siz də məlumat verin, çəkiliş qrupu göndərin və çəkiliş qrupu getdi, həmin o yüksəklikləri gördü. Yəni, Günnüt əməliyyatı Naxçıvan Ordusunun potensialını göstərdi, Azərbaycan Ordusunun potensialını göstərdi. İkinci Qarabağ müharibəsində Naxçıvan Ordusunun hərbçiləri - həm xüsusi təyinatlılar, həm digər birləşmələrin hərbçiləri fəal iştirak etmişlər və şəhidlər vermişlər, böyük fədakarlıq göstərmişlər. Bilirsiniz ki, Naxçıvandan Bakıya xüsusi qruplar gətirilmişdi. Eyni zamanda, mən onu da bildirməliyəm, yəni, artıq bildirə bilərəm ki, Naxçıvan Ordusunda olan silahların, sursatların bir hissəsi də Bakıya gətirilmişdir və cəbhə bölgəsinə göndərilmişdir. İndi biz həmin o silah-sursatların ehtiyatlarını təmin edirik, ancaq bu da olub. Ona görə Naxçıvan Muxtar Respublikasının həm respublikanın hüdudlarının müdafiə edilməsində, ümumiyyətlə, ölkəmizin ordu potensialının güclənməsində çox böyük rolu var və hər zaman Naxçıvan lazımi dərəcədə müdafiə olunacaqdır", - deyə ölkə başçısı vurğulayıb.
Sehliyali
Turan Bank

OXŞAR XƏBƏRLƏR

“Ərdoğan Putinlə Zəngəzur dəhlizini müzakirə edəcək” - Açıqlama

"Türkiyə Cənubi Qafqazda ən aktiv rollardan birini alıb və faktiki olaraq bölgədədir. Eyni zamanda güc olaraq Azərbaycanın yanında yer alır”. Bunu Sfer...

İranda prezident seçkiləri necə nəticələnəcək? - “Sürpriz istisna deyil”

"Sabah İranda prezident seçkisidir. Seçkiyə 7 namizəd qeydə alınmışdı, 4-ü qaldı, 3-ü namizədliyini geri götürdü”.   Sfera.az bildirir ki, bunu polito...

ABŞ Ukraynanın NATO üzvü olmağını niyə istəmir? - Rusiya ilə gizli razılaşma, yoxsa...

Ukrayna prezidenti Zelenskinin NATO-nun Ukraynanın üzvlüyə qəbul etmək barədə müsbət qərar verdiyini bildirdi. Bundan dərhal sonra ABŞ Prezidenti Co Bayden NATO...

Sarkisyanın “1064 əsir” açıqlaması nəyə xidmət edir? – “Bunu seçkiyə günlər qalmış deməsi...”

"Ermənistanın keçmiş prezidentinin belə bir açıqlaması Nikol Paşinyanı seçicilər qarşısında nüfuzdan salmağa hesablanmış addımdır”. Bu sözləri Sfera.az...

Yeni müharibə TƏHLÜKƏSİ: "Rusiya çevrəyə alınır..."

"Növbəti 10 il ərzində NATO Rusiyanın hər tərəfdən çevrələnməsi üçün çalışacaq".   Bunu Sfera.az-a açıqlamasında politoloq Natiq Miri deyib. Politoloq ək...

Prezident Haluk Bayraktarı təltif etdi

Prezident İlham Əliyev bu gün Şuşada "Baykar" şirkətinin baş direktoru Haluk Bayraktarı "Qarabağ" ordeni ilə təltif edib. Sfera.az xəbər verir ki, bu barə...