No Image
No Image

İlahiyyatçı alim mollaların fəaliyyəti ilə bağlı təkliflər verdi – “Aldıqları pulları...”

İlahiyyatçı alim mollaların fəaliyyəti ilə bağlı təkliflər verdi – “Aldıqları pulları...”
"İslam aləmində ümumiyyətlə "molla” məfhumu yoxdur. Molla ancaq bizdədir”.

Bunu Dini Qurumlarla İş üzrə Dövlət Komitəsinin sabiq sədri, ilahiyyatçı alim Rafiq Əliyev Sfera.az-a açıqlamasında təsadüfi şəxslərin molla kimi fəaliyyət göstərməsinə münasibət bildirərkən deyib. O, bildirib ki,  Azərbaycanda işçilər siyahısında mühəndis, həkim, müəllim və digərləri olsa da, "molla” adında iş yoxdur:

"Sadəcə olaraq, mollaları akkreditasiyadan keçirirlər ki, gedəndə duanı yaxşı, düz oxusunlar, aldıqları pullarla bağlı Qafqaz Müsəlmanlar İdarəsinə (QMİ) müəyyən hesab versinlər. Mollalar vergi vermirlər, onların əmək kitabçası yoxdur, müəyyən yaşa gəlib çatanda təqaüd almırlar. Yəni, bu nöqteyi-nəzərdən molla gərək Azərbaycanda işçilərin siyahısına daxil edilsin ki, belə bir vəzifə var.
 
Bu, çətin problemdir. QMİ vaxtilə onları akkreditasiyadan keçirir və kağız verirdi ki, molla kimi işləyə bilərlər. Hətta mən çalışdığım vaxtlar, bütün mollalara əmək kitabçasının açılmasını məcburi etmişdik, çünki onlar qocalanda müdafiəsiz qalırlar. O zaman əmək kitabçası açırdılar, amma sonunun nə olduğunu bilmədim”.

Müsahibimiz bildirib ki, bu gün dindən anlayışı olmayan "molla”lara, "din xadimləri”nə inananlar kifayət qədərdir: "Bizdə dinlə bağlı savadsızlıq mövcuddur. Mollaları qəbirstanlığa gətirib dua oxudurlar, amma ölü sahibi nə oxuduğunu başa düşmür. Məsələn, mən bilirəm ki, nə oxuyurlar, hətta gedəndə məni tanıdıqlarına görə yaxınıma gəlmirlər. Amma çox adam bilmir axı, həmin molla nəyi, niyə oxuyur, ölüyə nə xeyri var? Bizdə ancaq bu, şiə aləmində formalaşıb. Heç sünni aləmində mollaların gedib dua oxuması vacib hesab olunmur. Amma Azərbaycanda bu, adət halına keçibsə, molla yas məclisini aparırsa, o şəxslərin savadı olmalıdır. İslam Universiteti, kollecləri, məktəbləri var – bunları qurtaranlar həmin işi görməlidirlər.
 
Yenə deyirəm, molla zümrəsinin hansısa sosial qutuya salmaq lazımdır ki, bu molla nə olan şeydir? Mütləq bu sahəyə nəzarət olmalıdır. Mollalara sənəd vermək lazımdır ki, bunların Quran oxumağa ixtiyarı var ya yox”.

Xatırladaq ki, ötən həftə Lerikdə 57 yaşlı molla qonşu qadını qətlə yetirmişdi. Qafqaz Müsəlmanları İdarəsi isə üç uşaq anasını amansızcasına öldürən Murad Əsgərov adlı mollanın idarənin təyin etdiyi din xadimi olmadığını demişdi.
 
Günay Rəsulqızı
 
Sehliyali
Turan Bank

OXŞAR XƏBƏRLƏR

Van Dammın azərbaycanlı gəlini kimdir? – FOTO

Məhşur kino ulduzu Jan-Klod Van Damm oğlu Kristofer Van Damm azərbaycanlı pianoçu, Prezident təqaüdçüsü, 7 Beynəlxalq Musiqi Müsabiqəsinin laureatı Suada Hacıza...

Laçında iki hərbi qulluqçumuz həlak oldu - RƏSMİ

İyun ayının 16-da saat 16:40 radələrində Dövlət Sərhəd Xidmətinin (DSX) Sərhəd Qoşunlarının "Qubadlı” əlahiddə sərhəd diviziyasının xidməti ərazisində yol qəzas...

Ərdoğan məcburi köçkünlərə çağırış etdi

 "Qarabağ Zəfərindən kimsə narahat olmasın. Çünki bu Zəfər ədalətin, barışın, qəlbin Zəfəridir”. Sfera.az xəbər verir ki, bunu Türkiyə Prezidenti Rəc...

"Çoxlarının xəyal belə etməyə qorxduğunu İlham Əliyev reallığa çevirdi”

""Şuşa Bəyannaməsi” ilə  Azərbaycanın maraq və mənafelərini, ərazi bütövlüyünü, suverenliyini hədəfə alan istənilən güc Türkiyə üçün, Türkiyəni hədəfə alan...

Cıdır düzündən rəngarəng - FOTOLAR

Bakı Media Mərkəzi bu gün Şuşada Cıdır düzündə təşkil olunmuş "Musiqi irsi və Qarabağ atları Cıdır düzündə” adlı musiqili kompozisiyasından rəngarəng fotolar ya...

İlham Əliyev Rəcəb Tayyib Ərdoğanı Füzuli rayonunda qarşıladı - FOTO

İyunun 15-də Türkiyə Respublikasının Prezidenti Rəcəb Tayyib Ərdoğan Şuşa şəhərinə yola düşüb. Sfera.az  xəbər verir ki, Azərbaycan Respublikasının P...