İKİNCİ DALĞA - 100 mindən çox çinli yenidən karantinə alındı
Sfera.az RİA.Novosti-yə istinadla xəbər verir ki, koronavirusun təkrar yayılması səbəbindən 108 milyondan çox çinli özünütəcrid vəziyyətinə salınıb. Bu barədə "Bloomberg" mənbələrə istinadla məlumat yayıb.
Agentliyin məlumatına görə, hakimiyyət ölkənin şimal-şərqində sərt karantin tədbirləri tətbiq edib. Tzilin əyalətində avtobus və dəmir yolu xidmətləri dayandırılıb, məktəblər bağlanıb və vətəndaşlar təcrid edilib.
"Bu ciddi məhdudiyyətlər ölkədə epidemiyanın ən təhlükəli hissəsinin geridə qaldığına inanan bir çox yerli sakini həyəcanlandırıb", - deyə, materialda bildirilir.
Bloomberg-in məlumatına görə, əyalətdə 34 yeni COVID-19-a yoluxma halı qeydə alınıb və yeni məhdudiyyətlər Çin hakimiyyətinin epidemiyanın ikinci dalğası ehtimalından ehtiyatlandığını sübut edir.
"Bu həmçinin Çində və digər ölkələrdə normal həyata qayıdış prosesinin nə qədər kövrək olacağından xəbər verir, çünki məlum infeksiyanın yeni dalğasının başlanmasına ən cüzi işarə belə ciddi izolyasiyanın qaytarılmasına səbəb ola bilər",-deyə, məqalədə vurğulanır.
Tzilin əyalətinin şəhərlərindən birində səlahiyyətlilər koronavirusaq yeni yoluxma hallarının qeydə alındığı bütün yaşayış komplekslərini bağlamaq qərarına gəliblər. Bu vəziyyətdə ailənin yalnız bir üzvü iki gündə iki saat alış-veriş edə bilər. Bundan əlavə, bölgədə çatdırılma xidmətlərinin əksəriyyəti bağlanıb, insanlar xəstəliyin əlamətlərini gizlədib özünümüalicə ilə məşğul ola bilməsinlər deyə, apteklərdə vərəm əleyhinə dərmanların satışı dayandırılıb.
Xatırladaq ki, Koronavirus SARS-CoV-2 ( COVID-19-un tətikləyicisi ) ilk dəfə dekabrın sonunda Çinin Uhan şəhərində aşkar edilib. Mart ayının əvvəlində Ümumdünya Səhiyyə Təşkilatı sözügedən virusun yayılmasını pandemiya elan edib. ÜST-na görə, dünya üzrə demək olar, 4,6 milyon insan məlum virusa yoluxub, 311 mindən çox koronaviruslu xəstə dünyasını dəyişib.
Qeyd edək ki, Çində baş verən epidemiya zamanı 82 954 koronavirusa yoluxma halı qeydə alınıb, koronaviruslu xəsdtələrin 78 227 nəfəri sağalıb, 46 33 nəfər isə dünyasını dəyişib.
Selcan
Sfera.az