İdmansız və pəhrizsiz necə arıqlamalı? – Rusiyalı dietoloq bunları məsləhət görür
15:03 / 06.07.2021
2702
Tanınmış rusiyalı dietoloq pəhrizsiz və
idmansız sürətlə arıqlamağın yolları açıqlayıb.
Sfera.az-ın
məlumatına görə, dietoloq Tatyana Razumovskaya RİA "Novosti” yə müsahibəsində pəhriz
tutmağı bacarmayan, idmanla məşğul olmaq imkanı olmayan insanların artıq çəkidən
azad olmaq yollarından bəhs edib.
Dietoloq çəki
verməkçün yuxunun vacibliyini xüsusilə vurğulayıb.
"Davamlı olaraq yuxusuz qaldıqda orqanizmdə
iştahı boğan leptin hormonunun səviyyəsini aşağı düşür. Əvəzində aclıq hissini gücləndirən
qrelin və kortizol kimi hormonların sayı artır. Bundan əlavə, kortizolun
çoxluğu nizamsız yeməyə və qarın nahiyəsində piylənmənin meydana gəlməsinə səbəb
olur", - deyə mütəxəssis açıqlayıb.
Razumovskayanın
fikrincə, arıqlamaq istəyənlər öz rasionlarına lif daxil etməlidir. Belə ki, qida
lifləri xolesterol və şəkərin səviyyəsini normallaşdırır, bağırsaqlara müsbət təsir
göstərir və aclığı aradan qaldırır.
"Gündə 20-40 qram lif yeməlisiniz ”,- deyə
Razumovskaya bildirib.
Yəni, gündəlik rasionunuza paxlalılar, tam
taxıl çörəyi, quru meyvələr, qoz-fındıq, tərəvəz və dənli bitkilər daxil edilməlidir.
"Gündəlik qidanızda kifayət qədər zülalın
olması da vacibdir.Ümumi çəkinizin hər kiloqramına 1,2 - 1,5 qram arasında
arasında zülal düşməlidir. Süd və ət məhsulları,
balıq və digər dəniz məhsulları, yumurta və tərəvəz , eləcə də qoz-fındıq,
paxlalılar və soya zülalla zəngin qida növlərinə aiddir" – deyə dietoloq
qeyd edib.
Selcan
Sfera.az
