No Image

İctimai nəqliyyatda nağdsız ödəniş ilə bağlı yeni layihə həyata vəsiqə aldı

İctimai nəqliyyatda nağdsız ödəniş ilə bağlı yeni layihə həyata vəsiqə aldı
 

Dövlət bankı Azər Türk Bank, AR Nəqliyyat, Rabitə və Yüksək Texnologiyalar Nazirliyinin Məlumat Hesablama Mərkəzi və MasterCard beynəlxalq ödəniş sistemi ölkədə ilk dəfə olaraq ictimai nəqliyyatda bank kartları ilə ödəniş etmək imkanı yaradan birgə layihəni gerçəkləşdirib. Bu layihə "Azərbaycan Respublikasında telekommunikasiya və informasiya texnologiyalarının inkişafına dair Strateji Yol Xəritəsi”ndə nəzərdə tutulmuş rəqəmsal ödənişlərin genişləndirilməsinə yönəlmiş tədbirlərdən biridir. Layihə nağd dövriyyənin həcminin minimuma endirilməsi, nağdsız hesablaşmaların, o cümlədən təmassız kart əməliyyatlarının sayının artırılması və ödənişlərin operativ qəbulunun təşkili ilə əlaqədar tədbirlərin icrası məqsədi ilə reallaşdırılmışdır. Bununla əlaqədar, ictimai nəqliyyatda istifadə üçün prepaid tipli «İNKART» təmassız ödəniş kartı buraxılmışdır.

İstifadəyə veriləcək bu unikal kartın əsas üstünlüyü onu banka gəlmədən, heç bir sənədləşmə işi aparılmadan əldə etməyin mümkünlüyüdür. Bu kartın digər üstün cəhətləri isə, balansın terminallar və onlayn kanallar vasitəsilə artırılması, kart sahibinin öz telefonuna mobil əlavə yükləməklə kartını idarə etmək imkanının olmasıdır.

Hazırda innovativ nəqliyyat ekosistemi yaradılmış, avtobuslarda yeni nəsil ödənişləri qəbul edən cihaz – validatorlar quraşdırılmışdır. Validatorlarda təmassız ödəniş imkanına malik istənilən banka məxsus ödəniş kartı ilə ödəniş etmək mümkündür ki, bu imkan istifadəçiyə əlavə kart almaq zərurəti yaratmır.

Qurulmuş ekosistem, hazırda istifadəyə verilmiş validatorlarda, ödəniş kartlarından əlavə NFC texnologiyanı dəstəkləyən avadanlıqlar — smartfon, «ağıllı saat» və s. vasitəsilə real vaxt rejimində ödənişləri həyata keçirməyi mümkün edir.

 

Layihənin ikinci mərhələsində istifadəyə verilmiş mobil əlavə vasitəsilə QR biletlərin satışı təşkil olunacaqdır və bu da müştərilərə sadəcə mobil əlavədən istifadə etməklə ödənişləri həyata keçirməyə imkan verəcəkdir. Bu mərhələdə görüləcək işlərdən biri də kartın eyniləşdirilməsi ilə bağlıdır. Belə ki, kart sahibi mobil tətbiqə şəxsi məlumatlarını əlavə etməklə kartını eyniləşdirmiş olur və bundan sonra prepaid tipli bu kartları adi ödəniş kartı kimi POS-terminallarda, ATM-lərdə və onlayn alış-veriş zamanı istifadə etmək imkanı əldə edir.

 

Layihənin tətbiqi ilə əlaqədar Şamaxı rayon İcra Hakimiyyəti bu yeni texnologiyanın ilkin olaraq Şamaxıda reallaşdırılması təşəbbüsü ilə çıxış etmişdir. Bu səbəbdən layihənin ilkin mərhələdə Şamaxı rayonu üzrə tətbiqi nəzərdə tutulmuşdur.

 

Azər Türk Bank tərəfindən yaxın gələcəkdə ölkənin digər rayon və şəhərlərində avtobuslarda nağdsız ödənişlərin təmassız kartlar vasitəsilə qəbulu istiqamətində işlər görüləcəkdir.

OXŞAR XƏBƏRLƏR

Adil Əliyevdən AMEA-nın ünvanına istehzalı sözlər

  Vaxtilə qədim yunan filosofu Platon Akademos bağında gəzə-gəzə tələbələrinə dərs deyirdi. Və bir gün bu gəzintili dərslər akademiya adını aldı. Təmtəraq...

Bakıda dəhşətli hadisə: Qadın özünü 8-ci mərtəbədən atdı - VİDEO

  Bakıda ahıl qadın intihar edib. Sfera.az  xəbər verir ki, hadisə dünən günorta saatlarında Bakının Xətai rayonunda qeydə alınıb. Rayonun Sarayevo...

Lotu Qulinin qardaşı qisasa hazırlaşır – Kriminal dünyadan xəbər var

  Azərbaycanlı "qanuni oğru” Nadir Səlifov (Lotu Quli) qətlə yetirildikdən sonra tərəfdarları bir müddət çaşqınlıq içində qalsalar da, Lotu Qulinin qardaş...

Azərbaycanda həbsxanada yanğın - VİDEO

  Bakıda yerləşən cəzaçəkmə müəssisələrindən birində yanğın baş verib.  Yanğının 10 saylı cəzaçəkmə müəssisəsində hansı səbəbdən baş verməsi məlum...

Sərdar Cəlaloğlu: Ramiz Mehdiyev erası bitdi

 Sərdar Cəlaloğlu: "Əslində, hakimiyyət bu gedişlə Mehdiyevin onların qarşısında ayaq üstə hesabat verən kiçik bir vəzifəli şəxs olduğunu cəmiyyətə nümayiş...

DTX məlumat yaydı

  Son günlərdə bəzi internet saytlarında və sosial şəbəkələrdə Rusiyaya xidmət etmələri iddia edilən Azərbaycan Respublikasının vətəndaşları olan bəzi ict...