No Image
No Image

“Hər dəfə aç-bağla, özümüz də bezmişik...” – Millət vəkilindən karantin qadağalarına ETİRAZ

“Hər dəfə aç-bağla, özümüz də bezmişik...” – Millət vəkilindən  karantin qadağalarına ETİRAZ
Bir sıra karantin qadağaları zaman-zaman müzakirəyə çevrilib, onların lüzumsuzluğu haqda fikirlər səsləndirilib. O cümlədən həftəsonları, bayram günlərində ictimai nəqliyyatın işləməməsi əksəriyyətin narazılığına səbəb olur. Nazirlər Kabinetinin sonuncu – 8 Mart qərarı isə bu məsələni yenidən gündəmə gətirib.
 
Bayram günlərində, həmçinin həftəsonları ictimai nəqliyyatın işləməməsinə ehtiyac varmı?

Mövzu ilə bağlı Milli Məclisin deputatı Razi Nurullayev Sfera.az-a açıqlamasında deyib ki, Azərbaycanda pandemiyaya olan münasibət dünya ölkələrində olan münasibətlərdən hər zaman fərqli olub: "Mən bu fərqliliyi başa düşmürəm. Biz bunun öhdəsindən çox çətinliklə gəlirik. Hətta az xəstə olanda da panikaya düşürük. Ölkədə hökumət üzvlərindən də, qərarı verənlərdən də həmçinin eyni reaksiyanı görürük. Panikanın nəticəsində bu cür qeyri-populyar qərarlar qəbul edirlər.

Almaniyada gündə 10 min nəfər yoluxur, birtəhər öhdəsindən gəlməyə çalışırlar. Rusiya kimi böyük ölkədə karantin müşahidə olunmur. Yəqin onlar vətəndaşları başqa cür tərbiyə edə biliblər, biz edə bilmirik. Amma avtobuslarda insanların bu formada getməsi, o cümlədən həftəsonları nəqliyyatın işləməməsi insanların şəxsiyyətinin alçaldılmasıdır. Vətəndaşlar özlərini alçaldılmış hesab edir, təbii ki, buna yol vermək olmaz”.

R.Nurullayev düşünür ki, metroda qızdırma ölçən aparat quraşdırılmasını, hər bir insanın növbə ilə keçməsini təmin etmək mümkündür: "Bunları tənzimləmək olar. Amma  insanlara bu cür münasibəti qəbul etmirəm. Hesab etmirəm ki, bu yolla yoluxanların sayınının 300-dən aşağı olmasına nail olmaq olar. Bu gün vaksinasiyanın vurulmasını sürətləndirmək və digər tədbirlərə əl atmaq lazımdır ki, pandemiyadan qurtulaq. Yoxsa hər dəfə aç-bağla, özümüz də bezmişik və nəticəsi yoxdur”.

Günay Rəsulqızı
 

Turan Bank

OXŞAR XƏBƏRLƏR

"Azərbaycanın tank briqadası Xocalıya girsin" - Tofiq Zülfüqarovdan Xocalı aeroportundakı paradla bağlı təklif

Xocalı aeroportunda Rusiya hərbçilərinin 9 May Qələbə günü paradına hazırlıq məşqləri başlanıb. Bu haqda Rusiyanın Müdafiə Nazirliyi məlumat yayıb. Məlumatda ...

9-16 may tarixləri ilə bağlı AÇIQLAMA: "Metro çalışa, SMS icazə gündəmə gələ bilər..."

Xəbər verdiyimiz kimi Nazirlər Kabinetinin qərarına əsasən 9 may saat 00:00-dan 16 may saat 06:00-dək ölkə ərazisində ictimai nəqliyyatın fəaliyyəti dayandırıla...

Azərbaycanda karantin rejiminə dəyişiklik edildi - RƏSMİ

Azərbaycanda Ramazan bayramı ilə əlaqədar iş günlərinə və karantin rejiminə dəyişiklik edilib.   Bu barədə Sfera.az-a Nazirlər Kabinetinin mətbuat xidmət...

Rusiyanın “miqrantları qovacam” hədəsi nə dərəcədə ciddidir? – “Hədəf Azərbaycan və Ukraynadır...”

Rusiya Daxili İşlər Nazirliyi MDB-yə üzv ölkələrdən Rusiyada qanunsuz olaraq yaşayan vətəndaşlarının 15 iyuna qədər bu ölkədən çıxarılmasını tələb edir. Stati...

Ekspertdən mənzili plana düşən sakinlərə xəbərdarlıq: “Diqqətli olun, müqavilədə...”

Bakının Nərimanov rayonunda plana düşən yaşayış binalarının söküntüsünə başlanılacaq. Vətəndaşların kirayə haqqı, daşınma üçün lazım olan vəsait və di...

Cəmil Həsənlinin qızı olayında adı hallanan Mahir əsəbləşdi: "Nə dəqiqədə bir məni yığırsız?"

Milli Şuranın sədri Cəmil Həsənlinin qızı Günel Həsənli onun şəxsi həyatına müdaxilə və intim görüntülərinin internetdə yayılması ilə bağlı şikayətlər...