Azərbaycan millisinin kapitanı Rəşad Sadıqovun apasport.az saytına müsahibə verib.

Sfera.az həmin müsahibəni təqdim edir:

 

- Komandada ab-hava çox yaxşıdı. Futbolçular yüksək əhval-ruhiyyədədilər. Cari seçmə mərhələdə keçirdiyimiz 3 matçda uğurlu nəticə qazandığımızdan, psixoloji cəhətdən də vəziyyət çox yaxşıdı. Baş məşqçi komandaya inanır. Bilirik ki, azarkeşlər də bizdən yaxşı nəticə gözləyirlər. Əlimizdən gələni edəcəyik ki, sərfəli nəticə ilə dönək.

 

- Əksinə, heç bir təzyiq yoxdu. Səfərdə oynayacağıq və rəqibdən 3 xal öndəyik. Şimali İrlandiyanı evdə də qəbul edəcəyik. Düşünürəm ki, hazırkı məqamda futbolçular üzərlərində təzyiq hiss etməməlidirlər. Rahat oynamalıyıq. Çünki 3 turdan sonra ehtiyatımızda 7 xal var. Təbii ki, daha soyuqqanlı mübarizə aparmalıyıq.

 

- Əsas fərq ondadı ki, Şimali İrlandiya komanda oyununa daha çox üstünlük verir. Norveç və Çexiyanın heyətində fərdi cəhətdən yüksək səviyyədə oynamağı bacaran futbolçu çoxdu. Şimali İrlandiyada da yaxşı oyunçular var. Amma əsas üstünlükləri kollektiv futbol oynamalarıdı. Son Avropa çempionatında da bunun şahidi olmuşuq. Həmin turnirin üstündən çox vaxt da keçməyib, cəmi 2-3 ay geridə qalıb. Yenə çalışacaqlar ki, komanda şəklində yaxşı oynayıb, bizi məğlub etsinlər. Biz də çalışacağıq ki, bunun tərsi olsun.

 

- Futboldu, çox vaxt istədiyin nəticəni ala bilmirsən. Ola bilər ki, heç-heçə üçün meydana çıxırsan, amma qələbə qazanırsan. Bəzən isə qələbə arzulayanda bərabərliklə kifayətlənməli olursan. Hər bir nəticəyə hazır olmaq lazımdı. Elə oyundu ki, 3 nəticənin hamısı ola bilər. Biz çalışacağıq ki, ilk iki nəticədən biri olsun. Seçmə mərhələnin ilk 3 görüşündə göstərdik ki, yaxşı formadayıq. Üstəlik, komandada özünəinam var. Rəqib də təhlükəli komandadı. Şimali İrlandiya yığması qrup ikinciliyinə əsas namizədlərdən biridi. Onlarla 3-4 il əvvəl də qarşılaşmışdıq. Həmin vaxt hər iki matçda məğlub olmamışdıq. Yenə çalışacağıq ki, iki oyunun cəminə görə şəxsi görüşlərdə üstün olaq. Çünki bu amil sonda böyük rol oynaya bilər.

 

- Burda "Qarabağ” yox, Azərbaycan millisi mübarizə aparacaq. Müdafiəçilərin "Qarabağ”da oynaması xüsusi vurğulanmalı bir məqam deyil. Amma eyni klubda oynamaq futbolçuların bir-birlərini daha yaxşı tanımaları deməkdi. Bu, müəyyən üstünlük sayıla bilər. Ancaq istənilən halda, komanda şəklində mübarizə aparmalıyıq.

- Çox təəssüf ki, məşqdə zədələndim. Mən hər zaman komandama kömək etmək istəmişəm. Yenə oynamağı, meydanda olmağı çox arzulayıram. Hətta iynənin köməkliyi ilə oynamağa da hazıram. Təəssüf ki, millinin həkimləri buna icazə vermirlər.