No Image
No Image

Həftəsonu məhdudiyyətləri ilə bağlı taksilərin qiyməti artıb? - AÇIQLAMA

Həftəsonu məhdudiyyətləri ilə bağlı taksilərin qiyməti artıb? - AÇIQLAMA
"Xüsusi karantin rejiminin davam edəcəyi dekabrın 28-nə qədər fərqlənmə nişanı olan taksilər Bakıda heç bir məhdudiyyət olmadan fəaliyyət göstərə bilərlər".

Sfera.az bildirir ki, bunu "Report”a açıqlamasında Bakı Nəqliyyat Agentliyinin (BNA) mətbuat xidmətinin rəhbəri Mais Ağayev deyib.

Onun sözlərinə görə, qanunvericiliyin tələbinə uyğun olaraq sənədləri qaydasında olan sürücülər də fərqlənmə nişanı almaq üçün BNA-ya müraciət edə bilərlər.

Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidmətinin (DANX) İctimaiyyətlə əlaqələr sektorunun müdiri Nuridə Allahyarova isə bildirib ki, dekabrın 28-nə qədər rayon taksilərinə fərqlənmə nişanı verilməyəcək:
 
"Nazirlər Kabinetinin qərarına uyğun olaraq mart ayından etibarən şəhərlərarası və rayonlararası ictimai nəqliyyat fəaliyyət göstərmir. Qərarda giriş-çıxış yasağı göstərilən regionlara da taksilərin getməsi qadağandır. Bu tək həftəsonlarına aid deyil, həftənin bütün günlərinə aiddir. Amma son qərar bu oldu ki, dekabrın 28-nə qədər fərqlənmə nişanı olan taksi sürücüləri bütün regionlarda xidmət göstərə biləcəklər. Amma fürsətdən yararlanma halları ola bilər. Tutaq ki, ictimai nəqliyyat həftəsonları işləmir. İndiyə qədər qeyri-qanuni fəaliyyət göstərmiş taksi sürücüləri, avtonəqliyyat vasitələrinin sürücüləri istəyəcəklər ki, gəlsinlər fərqlənmə nişanı alsınlar. Çünki iznli taksilər fərqlənmə nişanlı taksilərdir. Onlarla bağlı da biz bildirdik ki, həmin şəxslər fərqlənmə nişanını dekabrın 28-nə qədər ala bilməyəcəklər. O şəxslərin fərqlənmə nişanı yenilənəcək ki, onlar mütəmadi fərqlənmə nişanı alıblar. Misal üçün, vaxtı bitib və dəyişir. Amma yeni almaq istəyənlərin müraciətinə baxılmayacaq”.

DANX sözçüsü hesab edir ki, təmsil etdiyi qurumun verdiyi bu qərar haqsız rəqabətə və qiymət artımına şərait yaratmayacaq: "Onsuz da qeyri-rəsmi taksi fəaliyyəti göstərənlər dövlət büdcəsindən yayınanlardır və qanuni taksi fəaliyyəti göstərməyən taksi xidməti göstərən vətəndaşlardır. Onlar istədikləri qiyməti qoyur. Əslində taksi ilə bağlı qiymət senzi yoxdur deyə, orda hansısa tarif yoxdur. Bu dəqiqə taksilərdə qiymətlə bağlı hər-hansı məsələdən danışmaq tez olar. Çünki marşrut xətlərində konkret tarif şurasının qiymətləridir, amma taksilərlə bağlı konkret qiymət yoxdur. Taksi sürücüsünə niyə qiymətləri qaldırırısan deməyə əsas verən hər-hansı qanunvericilik sənədi yoxdur. Təbii ki, ümumi nəzarət olunur ki, vətəndaşları onların alıcılıq qabiliyyəti nəzərə alınsın.

Pandemiya ilə bağlı olaraq məhdudlaşdırma o deməkdir ki, işə gedən vətəndaşın maşını yoxdursa, işə gedib-gələ bilsin. Bunun üçün rəsmi fəaliyyət göstərən taksilər kifayət qədərdir. Yəni qiymət artımından, inhisardan söhbət gedə bilməz. Amma digər sürücülər, hansı ki, indiyə qədər adam daşıyırdılar, qeyri-rəsmi fəaliyyət göstərirdilər, onların fərqlənmə nişanı almasına ona görə, icazə vermirik ki, bu sayı artırmayaq. Küçədə avtonəqliyyat vasitələrinin sayı artmasın. Amma digər avtonəqliyyat vasitələri, rəsmi taksilər kifayət qədərdir, hətta hesablamalarımıza görə, bu dəqiqə sərnişin axınını tənzimləmək üçün həddindən çoxdur”.

OXŞAR XƏBƏRLƏR

İnanılmaz oğurluq: AMEA-da 4 milyon kitab yoxa çıxıb

"AMEA-nın Mərkəzi Elmi Kitabxanasında aşkarladığım oğurluq və nöqsanlar səbəbindən əsassız olaraq məni vəzifədən azad etdilər”. Sfera.az xəbər verir ki, b...

Ermənilərə əsir düşən Aminin anası müraciət etdi - VİDEO

Erməni əsirliyində olan Amin Musayevin anası Hicran Sadıqova prezident İlham Əliyevə müraciət edib. Sfera.az xəbər verir ki, o prezidentə inandığını deyib...

Makronu xeyrimizə danışdıran nədir? - Qarabağ işində Rotşildlərin izi…

"Makron hazırda erməni diasporu ilə oyun oynayır”.   Sfera.az bildirir ki, bunu Qaynarinfo-ya açıqlamasında analitik İlkin Həsənli Fransa prezidentinin ...

Bu hallarda açıq havada maskanızı çıxara BİLƏRSİNİZ

"Bu məsələdə heç bir istisna ola bilməz. Küçədə bir kənara çəkilib görünməyən yerdə yemək və ya siqaret çəkmək imkanları varsa, bunu sınaqdan çıxarmaq lazımdır....

Bu səhiyyə işçilərinə də həvəsləndirici əlavə ödəniləcək - DƏYİŞİKLİK

İcbari Tibbi Sığorta üzrə Dövlət Agentliyinin müvafiq qərarı ilə "Tibbi Ərazi Bölmələrini İdarəetmə Birliyi” publik hüquqi şəxsin tabeliyindəki tibb müəssisələr...

Şahmar İbadov yüksək vəzifəyə TƏYİNAT ALIB

Nərimanov Rayon İcra Hakimiyyətinin başçısının müavini vəzifəsindən azad edilən Şahmar İbadov yüksək vəzifəyə təyinat alıb.   Sfera.az-ın Nərimanov Rayon...