“Heç kim sabah belə hadisənin təkrarlanmayacağına zəmanət verə bilməz" - Aeroport yolundakı dəhşətli qəzada günahkar kimdir?

“Heç kim sabah belə hadisənin təkrarlanmayacağına zəmanət verə bilməz
"Bu gün baş verən bu qəza bir daha onu göstərdi ki, sərnişindaşıma və yükdaşıma sahəsində qanuni fəaliyyəti bərpa etmək son dərəcədə zəruridir”.
 
Bunu Sfera.az-a açıqlamasında yol-nəqliyyat məsələləri üzrə ekspert Elməddin Muradlı deyib. Müsahibimiz qeyd edib ki, nəzarətdən kənar istənilən iş gec-tez problem yaradır:

"Heç kim sabah başqa bir hadisənin yaşanmayacağına zəmanət verə bilməz. Çünki nəzarət mexanizmi yoxdur. Bir az reydlər, ciddi tədbirlər keçiriləndə də, cəmiyyətdə bəzi ünsürlər hay-küy salmağa başlayırlar ki, camaat evinə necə çörək aparsın və s. Biz də sual edirik, bəs bir neçə nəfərin ölümünə, yaralanmasına səbəb olan qəzanın, ictimai nəqliyyatın fəaliyyətinə yenə də inamsızlıq yaradan hadisənin cavabını kim verəcək? Bir nəfər evinə çörək pulu aparır deyə, milləti qırmalıdırmı? Belə bir şey ola bilməz. Keçmiş nəqliyyat nazirliyinin dövründə nəqliyyat müfəttişləri var idi, biz onlara "nəqliyyat qoçuları” deyirdik. Onlar bu sürücüləri döyə-döyə, təhqir edə-edə, pulunu əlindən alaraq – hər cür zorakılıqları tətbiq edərək heç bir irəliləyişə nail ola bilmədilər. 

İndi bir az sərbəstlik verilib, lap əndazəni aşıblar. Sürücü 19 yaşında cavan bir oğlandı. Yəqin qarşısına çox pul qazanmağı məqsəd qoyub, yatmır, dincəlmir, işləyir. İşləmək yaxşıdır, amma bu formada olmaz. Adam sükan arxasında yuxulayıb, ağır qəza törədib. Bu adamın iş rejiminə, istirahətinə nəzarət edəcək struktur varmı? Var. Bəs niyə etmir? Çünki mexanizm yoxdur. İstər pandemiya, istərsə də ondan əvvəlki dövrdə qanunsuz yükdaşıma, sərnişindaşıma necə birdən-birə parlayıbsa, indi onun qarşısını ala bilmirik və getdikcə böyük təhlükəyə çevrilir”.

Ekspert qeyd edib ki, istər daşıyıcı şirkətlər, istərsə də fiziki, hüquqi şəxslərlə bağlı müəyyən mexanizm olmalıdır:

"Bu gün qanunda çox şeylər yazılıb, mükəmməldi, onun icra mexanizmi varmı? Məsələn, yük maşınlarında sürücünün iş və istirahət rejiminə nəzarət etmək üçün toxoqraf olmalıdır. Varmı? Yoxdur. Bu, qanun pozuntusu sayılırmı? Bəli. Buna kim nəzarət etməlidir? Yol polisi, dövlət nəqliyyat müfəttişləri. Edə bilirmi? Xeyr. Edəndə narazılıq baş verir. Bunun yuxarı səviyyədə göstərişi olmalıdır ki, istinasız bu məsələ həllini tapsın. İstisna olanda, kimsə hansısa yollarla işə çıxanda, gecəboyu dayanmadan işləyəndə axırı belə faciələrlə nəticələnir. Bunun qarşısını almaq üçün yekdil qərar olmalı, heç kimə güzəşt edilmədən hamı bir nəfər kimi qərara əməl etməlidir”.

Günay Rəsulqızı
Sfera.az

Sehliyali
Turan Bank

OXŞAR XƏBƏRLƏR

Kürdəmirdə avtomobillər toqquşdu - yaralılar var

Kürdəmir rayonunda yol-nəqliyyat hadisəsi baş verib. Sfera.az xəbər verir ki, hadisə Kürdəmir-İmişli yolunun rayonun Atakişili kəndindən keçən hissəsində ...

Bakı metrosunda qatarlar gecikdi - SƏBƏB

"Bakı Metropoliteni” QSC-nin "Qara Qarayev” stansiyasından "Neftçilər” stansiyasına hərəkət edən qatara texniki baxış keçirilməsi zərurəti yaranıb. Bu bar...

Bakıda müəllim dərs zamanı vəfat etdi

Bakıda müəllim dərs zamanı vəfat edib. Bakı şəhəri 89 nömrəli tam orta məktəbin Azərbaycan dili və ədəbiyyatı müəllimi Maisə İsmayılova oktyabrın 11-də IX...

Azərbaycanda polis əməkdaşı yol qəzasında öldü - FOTO

Gədəbəydə ölümlə nəticələnən ağır yol qəzası baş verib. Sfera.az apa-ya istinadən xəbər verir ki, hadisə rayonun Zəhmət kəndində qeydə alınıb. Hərək...

Beş nəfərin ölümünə səbəb olan dəhşətli qəzanın görüntüləri - ANBAAN VİDEO

Dünən səhər saatlarında Bakıda baş verən dəhşətli qəzanın anbaan görüntüləri yayılıb.  sfera.az xəbər verir ki, Oxu.Az-ın əldə etdiyi görüntülərdə yü...

Gədəbəydə polis əməkdaşı yol qəzasında öldü - FOTO

Gədəbəydə ölümlə nəticələnən ağır yol qəzası baş verib. Sfera.az-ın məlumatına görə, hadisə rayonun Zəhmət kəndində qeydə alınıb. Azərbaycandan 15 g...