“Heç kəsi səbəbsiz öldürməmişik” – “Taliban” üzvü ilə SENSASİON MÜSAHİBƏ

“Heç kəsi səbəbsiz öldürməmişik” – “Taliban” üzvü ilə SENSASİON MÜSAHİBƏ
"Mən əslən Loqarlıyam. Loqarda dünyaya gəlmişəm, burada böyümüşəm. Təhsilimin bitməsinə bir il qalmışdı. ABŞ və Qərbin ölkəmdə etdiyi vəhşilik və barbarlığı gördükdən sonra "Taliban”a qoşulmağa qərar verdim. Peşman deyiləm”.

Sfera.az xəbər verir ki, bu sözləri "Taliban” üzvü Əbdülhəmid Müftü Axundzadə Türkiyənin "Yeni Şafak" qəzetinin müxbiri Taha Hüseyinlə müsahibəsində deyib.

"17-18 yaşlarımda "Taliban”a qoşularaq cihada qatıldım. O vaxtlar hələ saqqalım yox idi. Bizi adətən təhsilsiz, cahil insanlar kimi təqdim edir, belə tanıyırlar. Mən təhsil almışam. Mədrəsə təhsilim də var. Kompyuterlə də aram yaxşıdır. Hazırda ən böyük hədəfim üst səviyyədə bir islam alimi olmaqdır. Bu sahədə doktorantura təhsilimi başa vurmağa çalışıram”.

"Taliban” üzvünün sözlərinə görə, dünya mediası insanların zehnini bulandırır: "Media üzərindən insanlara yalan məlumatlar verilir ki, "Taliban” harada kimi yaxalasa öldürür. Ancaq həqiqət heç də belə deyil. Biz Allah üçün cihad etmişik. Bizim xalqımızla problemimiz yoxdur. Yerli və ya xarici jurnalistlərlə də heç bir problemimiz yoxdur. "Taliban” düşmən deyil. Biz heç kəsi əsassız yerə öldürməmişik”.

Türk jurnalistin "Taliban üzvləri necə evlənir və ailə həyatı necədir?” sualına Ə.M.Axundzadə "evlilik qarşılıqlı razılıq əsasında baş verir” deyə cavab verib:
"Biz şəriət qanunlarını tətbiq edirik. Şəriət nəyi uyğun görürsə, biz ona əməl edirik. Şəriətin qadağan etdiyi heç bir şeyi etmirik. İslam dinində hər şeyin sərhədi təyin edilib.
 
Cihad etdiyimiz zaman heç bir maaş almırdıq. Mücahidin məvacib alması nə dərəcədə doğrudur? Ancaq bu gün "Taliban” Əfqanıstan hökumətidir. Polis, təhlükəsizlik orqanları, ordu var. Dövlətin bütün resurslarından istifadə edirik. Hər kəs maaş alır, hər kəs ailəsini təmin edə bilir”.

"Taliban” üzvü türkiyəli jurnalistin "Talibanın Türkiyəyə baxışı necədir?” sualına "Taliban üçün Türkiyə, türklər düşmən deyil” cavabını verib:

"Loqar-Kabil yolunda türklər görünməyə başlayıb. Türk hərbçilərini, mülki şəxslərini, işçiləri orada gördük. Müsəlman olduqlarını bildiyimiz üçün işlərinə mane olmadıq. Bir çox döyüş yoldaşımız dedi ki, onlar da düşməndir, NATO ilə birlikdə gəliblər. Ancaq biz bununla belə türklərə silah qaldırmadıq. Türkiyə müsəlman bir ölkədir. Onun xalqı müsəlmandır. Bu xalq 600 il islam xilafətinə xidmət edib. Biz tarixi yaxşı bilirik. Türklər uzun illər islama xidmət edib”.
 
Turan Rzayev
 
Sehliyali
Turan Bank

OXŞAR XƏBƏRLƏR

“Qarşılıqlı güzəştlər olmalıdır” – Keçmiş XİN rəhbəri Ermənistanın hava məkanımızdan istifadəsi haqda

Xəbər verdiyimiz kimi, ötən gündən "Azərbaycan Hava Yolları” QSC (AZAL) Bakı-Naxçıvan reyslərinin yerinə yetirilməsi üçün Ermənistanın hava məkanından istifad...

“İran əlində zəif kartlar olsa da, “xox” gələn qumarbaza bənzəyir” - MÜSAHİBƏ

Politoloq Qabil Hüseynlinin Sfera.az-a müsahibəsi. - Qabil bəy, İran-Azərbaycan münasibətlərində yaşanan soyuqluq artıq gərginlik sferasına keçir. Döv...

“Ermənistanın ikinci “xozeyin”ə baş əyməsi Kremlin xoşuna gəlməyəcək” - MÜSAHİBƏ

"Atlas” Araşdırmalar Mərkəzinin rəhbəri, politoloq Elxan Şahinoğlunun Sfera.az-a müsahibəsi. - Elxan bəy, Ermənistan xarici işlər naziri Ararat Mirzoyan...

Saakaşvilinin dönüşü: Mişa niyə öz ayağı ilə həbsə girdi? – Müsahibə

Siyasi şərhçi Asif Nərimanlının Sfera.az-a müsahibəsi. - Asif bəy, Gürcüstanın eks-prezidenti Mixail Saakaşvili səkkiz ildən sonra ölkəsinə qayıtdı və...

"Xanımlara deyirəm ki, ərinizi qadınla tutsanız, şükür edin" - Qalmaqallı psixoloqla MÜSAHİBƏ

Tez-tez qalmaqallı fikirləri ilə gündəmə gələn psixoloq Samirə Bağırova Sfera.az-a geniş müsahibə verib.  Psixoloqla söhbəti təqdim edirik: ...

“Heç kəsi səbəbsiz öldürməmişik” – “Taliban” üzvü ilə SENSASİON MÜSAHİBƏ

"Mən əslən Loqarlıyam. Loqarda dünyaya gəlmişəm, burada böyümüşəm. Təhsilimin bitməsinə bir il qalmışdı. ABŞ və Qərbin ölkəmdə etdiyi vəhşilik və barbarlığı g...