Həbs olunan DSX generalı azad edilməyib — AÇIQLAMA
Son vaxtlar kütləvi informasiya vasitələrində və mediada Dövlət Sərhəd Xidmətinin sabiq rəis müavini general-leytenant Əfqan Nağıyevin həbsdən azad edilməsi, yenidən DSX-da hansısa mühüm posta təyinat alması barədə xəbərlər yayılır və buna müxtəlif şərhlər verilir.
Sfera.az-ın Baş Prokurorluq və Hərbi Məhkəmədən əldə etdiyi məlumatlarda belə yazıların həqiqətə uyğun olmadığı, sensasiya naminə şişirdildiyi və heç kimin Əfqan Nağıyevi cinayət məsuliyyətindən azad etmədiyi qeyd olunur. Sadəcə olaraq, onun barəsində əvvəllər seçilmiş həbs qətimkan tədbiri məhkəmə tərəfindən ev dustaqlığı ilə əvəz olunub.
Hazırda onun barəsində eyni işdə adı keçən digər şəxslərlə birlikdə Cinayət Məcəlləsinin müvafiq maddələri ilə cinayət təqibi davam etdirilir.
Təqsirlilərlə bağlı son qərar isə məhkəmədə veriləcəkdir.