İsmayıllı rayonunda yol-nəqliyyat hadisəsi olub.

Sfera.az-ın məlumatına görə rayonun Kürdmaşı kənd sakini, 1987-ci il təvəllüdlü Quliyev Amil Nizami oğlu "Mercedes" markalı minik avtomobili ilə Qaraməryəm-İsmayıllı yolunda hərəkətdə olarkən idarəetməni itirib, maşın yoldan çıxaraq hasara çırpılıb. Hadisə zamanı sürücü ağır bədən xəsarətləri alaraq İsmayıllı rayon Mərkəzi Xəstəxanasının reanimasiya şöbəsinə yerləşdirilib. Hazırda onun vəziyyəti ağır olaraq qalır. Faktla bağlı araşdırma aparılır.