“Grante” ticarət brendindən qələbəyə töhfə - FOTO
12:18 / 20.11.2020
1086
"Grante” ticarət markası və "Aznar” QSC təsisçisi Fərhad Əhmədovun rəhbərliyi ilə ordumuza, şəhid ailələrinə və Qarabağ müharibəsi zamanı yaralanan hərbçilərə yardım göstərib.
Sfera.az xəbər verir ki, Fərhad Əhmədov bu barədə fikirlərini də bölüşüb. O bildirib ki, biz hər zaman ordumuzun və dövlətimizin yanındayıq.
Məqsəd və vəzifələrinə məsuliyyətlə yanaşan "Aznar” QSC müharibə dövründə də öz ənənələrinə sadiq qalıb.
Şirkət ön cəbhəyə ərzaq, xüsusi geyim və avadanlıq göndərməklə, şərəfli qələbə qazanan qəhrəmanlara öz dəstəyini göstərib.
"Grante” ticarət markası Göyçayda yaşayan bütün şəhid ailələrinə maddi və ərzaq köməyi də göstərib və bu dəstəyi gələcəkdə də davam etdirəcəklərini bildiriblər.
Bundan əlavə, şirkətin icraçı direktoru Teymur Əhmədov, Gəncə şəhərinə qarşı törədilən terror aktı nəticəsində maddi və mənəvi zərər çəkmiş insanlarla şəxsən görüşmüş və öz dəstəyini əsirgəməyib.
10 nəfər "Aznar” QSC əməkdaşı Qarabağ döyüşlərində iştirak edib. Təəssüf və yüksək fəxr hissilə bildirmək istərdik ki, onlardan 1 nəfəri Vətən uğrunda gedən döyüşlərdə şəhid olub.
Şirkət şəhid olan əməkdaşın ailəsinə və yaxınlarına başsağlığı verir, Allahdan səbir və rəhmət diləyib!
Bütün bu yardımlar – əslində sonsuz Vətən sevgisi, vətəndaşlıq borcu, Ali Baş Komandan İlham Əliyev və onun siyasətinə olan dərin hörmətdən qaynaqlanır.
Qeyd edək ki, 1969-cu ildən fəaliyyətini sürdürən "Aznar” QSC ABŞ, Çin, Avstriya, Malayziya, İsrail və s. kimi dünyanın 30-dan artıq ölkəsinə öz keyfiyyətli məhsullarını "Grante” markası altında ixrac etməklə Azərbaycanı tanıtmaqdır.