Sfera.az bildirir ki, bu barədə Amerika xəbər kanalı CNBC-də qeyd olunub. Belə ki, şirkətdaxili yazışmalarda çalışanların vaksin sənədlərini təqdim etməli olduqları bildirilib. Qeyd olunub ki, sözügedən sənədləri olmayanlar pulsuz məzuniyyətə göndəriləcək və ardınca işdən uzaqlaşdırılacaq.

Bununla bağlı BBC kanalı da şirkətlə əlaqə yaradıb. "Google” CNBC-nin sızdırdığı yazışmaların doğruluğunu inkar etməyib. Şirkətin səlahiyyətli şəxslərindən biri "Daha əvvəl dediyimiz kimi, peyvənd ehtiyaclarımız işçi qüvvəmizin və xidmətlərimizin təhlükəsizliyi üçün ən vacib yollardan biridir”, - deyə söyləyib. Həmin şəxs sözlərinə belə davam edib:

"Biz bütün mümkün işçilərimizin peyvənd oluna bilməsi üçün əlimizdən gələni etməyə qərarlıyıq və peyvənd siyasətimizin arxasında dayanırıq”.

CNBC-nin məlumatına görə, yazışmalarda həmçinin vaksin tələbinin gələn ilin 17 yanvarına kimi təmin edilməli olduğu qeyd olunub. Digər tərəfdən "Google”un işçilərin ofisə qayıdışı üçün də mübarizə apardığı bildirilib. Şirkət çalışanların həftədə ən az üç gün ofisə gəlməli olduqlarını açıqlayıb. Eyni zamanda uzaqdan işləməyə davam edən amerikalı şəxslərin maaşlarının kəsiləcəyi də vurğulanıb.

Günay Rəsulqızı

Sfera.az