No Image

General Prezident Administrasiyasında: Ordudakı vəziyyət müzakirə edildi

General Prezident Administrasiyasında: Ordudakı vəziyyət müzakirə edildi

Azərbaycan Respublikasının Prezidenti, Ali Baş Komandan İlham Əliyevin son çıxışlarında ideoloji işin gücləndirilməsi ilə bağlı qarşıya qoyduğu vəzifələrin icrasının təmin edilməsi ilə bağlı Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev və Müdafiə nazirinin müavini general-leytenant Kərim Vəliyevin görüşü keçirilib.

 

Sfera.az xəbər verir ki, Müdafiə Nazirliyinin yaydığı məlumata görə, görüşdə müvafiq sahə üzrə görülən işlərdən danışılıb, həyata keçirilən tədbirlər təhlil olunub və ideoloji işlə bağlı planlar nəzərdən keçirilib.

Sonra Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin Təhlil və Proqnozlaşdırma sektorunun müdiri Tahir Kərimovun iştirakı ilə Azərbaycan Ordusunda ideoloji işin təşkili və həyata keçirilməsinə cavabdeh zabitlər də cəlb edilməklə müvafiq mövzu ilə bağlı işçi qrupun görüşü təşkil olunub.

Tədbirdə Azərbaycan Ordusunda ideoloji işin təşkili və həyata keçirilməsi ilə bağlı müvafiq sahəyə cavabdeh zabitlərin ictimai-siyasi hazırlıq, mənəvi-psixoloji təminat, ictimaiyyətlə əlaqələr, eləcə də digər istiqamətlərə aid hesabat xarakterli məruzələri dinlənilib, prezentasiyalar təqdim olunub, görülən işlər və bu sahədə aparılan işin səmərəliliyinin artırılması üçün nəzərdə tutulan addımlar barədə məlumat verilib.

Toplantıda çıxış edən Tahir Kərimov Ali Baş Komandanın rəhbərliyi ilə Azərbaycan Ordusunda həyata keçirilən islahatlar nəticəsində hərbi hissələrin döyüş qabiliyyətinin artdığını, şəxsi heyətin döyüş əzminin, vətənpərvərlik ruhunun və mənəvi-psixoloji hazırlığının daima yüksəldiyini bildirib.

İdeoloji işin əhəmiyyətindən danışan T.Kərimov xalqımızın ümummilli lideri Heydər Əliyevin Azərbaycan Ordusunun formalaşmasında tarixi fəaliyyətinin, Ali Baş Komandan İlham Əliyevin rəhbərliyi ilə ordumuzda həyata keçirilən islahatların, hərbi xidmətin nüfuzunun yüksəldilməsi istiqamətində görülən işlərin təbliğinin, gənc nəslin hərbi vətənpərvərlik tərbiyəsinin, gənclərin milli dəyərlərə, tarixi ənənələrə bağlılıq ruhunda, Vətənə məhəbbət və torpaqlarımızın işğaldan azad etməyə daim hazır olmaq hissləri ilə böyüməsinin ideoloji işin əsas istiqamətlərindən olduğunu bir daha diqqətə çatdırıb.

Tədbirdə Ali Baş Komandan İlham Əliyevin son çıxışlarında ideoloji işin gücləndirilməsi ilə bağlı qarşıya qoyulan vəzifələrin icrasını təmin etmək məqsədilə hərbi hissələrdə həyata keçiriləcək ideoloji işin istiqamətləri və perspektivləri barədə geniş fikir mübadiləsi aparılıb, yeni forma və metodlarla bağlı təkliflər müzakirə olunub.

Sonda kreativ ideyalardan, müasir texnologiyalardan, fleşmoblardan, sosial şəbəkələrin imkanlarından daha çevik istifadə etməklə ideoloji işlə bağlı qarşıya qoyulan tapşırıqların icrasına daha təsirli, daha keyfiyyətli nail olmanın yolları haqqında da müzakirələr aparılıb.

Müzakirələr zamanı Müdafiə Nazirliyində ideoloji işlə bağlı görülən işlər və həyata keçirilən tədbirlər müsbət qiymətləndirilib.

OXŞAR XƏBƏRLƏR

“Xərcləyəcəyimiz vəsitin iki qatını götürəcəyik” – Ekspert gözlənilən müharibənin xərcləri haqda

Xüsusilə son günlər Ermənistanla müharibənin başlayacağı haqda fikirlərə həm mediada, həm də sosial şəbəkələrdə tez-tez rast gəlirik. Maraqlıdır, Azərbay...

"Avtomobillərin müsadirəsi doğru deyil..." - Ekspertlərdən "Pikap" ovu haqda açıqlama

Artıq bir neçə gündür ki, yol polisləri hərəkətdə olan "Pikap” modelli avtomobilləri saxlayaraq müvəqqəti olaraq cərimə dayanacaqlarına aparırlar. Buna səbəb ...

Nərimanov rayon icra hakimiyyətinin şöbə müdiri dünyasını dəyişdi – Məsələ araşdırılır

Paytaxtın Nərimanov rayon icra hakimiyyətində daha bir şöbə müdiri dünyasını dəyişib.   Sfera.az xəbər verir ki, bu gün Nərimanov rayon icra hakimiyyət...

“Hamıya planşet paylaya bilmərik ki...” – Təhsil Nazirliyindən açıqlama

Mövcud pandemiya səbəbi ilə dünya ölkələrinin bir çoxunda olduğu kimi ölkəmizdə də distant təhsil tətbiq olunur. Tədris prosesinin bu qaydada aparılması isə ö...

Milli Qəhrəman Prezidentə müraciət etdi: “Partizan dəstəsi yaradıb...”

"Biz ermənilərin gizləndiyi məntəqələri yaxşı bilirik, və bu gün onlara layiqli cavab verə bilərik”. Bunu Sfera.az-a açıqlamasında Milli Qəhrəman Məhəmm...

“Yəqin ki, döyüş qaçılmaz olacaq...” – Hərbi ekspert təlim səfərbərliyindən danışdı

"Səfərbərlik və hərbi təlimlərə çağırışın planlı şəkildə olmaması narahatlıq doğurur”. Sfera.az-a açıqlamasında bu sözləri Səfərbərlik və Hərbi Xidmətə ...