Dövlət idarəetmə sistemində həyata keçirilən struktur islahatları çərçivəsində gənc kadrlara rəhbər korpusda yüksək etimadın göstərilməsi bu islahatların özü qədər diqqətçəkici məqamdır. Bu da birmənalı olaraq  dövlət rəhbərliyinin ölkədə müxtəlif sferaların inkişafında gənclərə böyük etimad göstərməsinin təzahürüdür. Təsadüfi deyil ki, ölkə rəhbəri bütün  çıxışlarında gənclərin Azərbaycanın inkişafındakı rolunu xüsusi vurğulayır.

"Gənclər cəmiyyətimizin ən fəal təbəqəsidir və bu gün gənclərə geniş imkanlar yaradılır. Gənclər önəmli vəzifələrə təyin olunur: nazir, icra başçısı vəzifələrinə. Eyni zamanda, Milli Məclisdə kifayət qədər gənclərimiz var və DOST mərkəzində çalışan insanların demək olar ki, hamısı gənclərdir". Bu sözləri Yeni istifadəyə verilən DOST mərkəzi ilə tanışlıqdan sonra Prezident İlham Əliyev Azərbaycan Televiziyasına verdiyi müsahibəsində deyib. 

"Ulu Öndər Heydər Əliyevin hakimiyyətdə olduğu bütün dövrlərdə gənclər diqqət və qayğı ilə əhatə olunub. Bu gün də analoji   diqqət və qayğı ölkə prezidenti tərəfindən davam etdirilir. Ölkəmizdə gənclər siyasəti dövlət siyasətinin mühüm tərkib hissəsidir. Bugünkü Azərbaycan gəncləri siyasi, iqtisadi, humanitar, sosial sferalarda fəallıq nümayiş etdirirlər. Onlar ruhən vətənə, dövlətimizə bağlıdırlar. Dövlətimizin və cəmiyətimizin bütün sahələrini əhatə edən islahatların həyata keçirilməsində də gənclərimiz mühüm rol oynayırlar".

"Gələcək üçün proqnoz vermək kifayət qədər çətindir.  Kadrlar öncə onlara olunan etimadı doğrultmağı özlərində prioritet vəzifə hesab etməlidirlər. Hesab edirəm ki, burada məsuliyyət daha ciddi rol oynayır.  Ümid edirəm ki, vəzifələrə yeni təyin olunanlar ölkədə gedən prosesi göz önünə gətirəcəklər".