Gəncənin icra başçısı ilə Nazim İbrahimov arasında Stefano Ricci qalmaqalı
11:48 / 16.04.2021
1388
Gəncə şəhər icra hakimiyyətinin başçısı Niyazi
Bayramovun geniş biznes əlaqələrinə malik olması, hətta oğlunun dillərə dastan
olan maşın kolleksiyasına sahib olması hər kəsə məlumdur.
Bu barədə növbəti araşdırmamızda yazacağıq.
Hələlik isə mövzu hazırda işsiz olan keçmiş
Diaspora Komitəsi sədri Nazim İbrahimovla bağlıdır.
Sfera.az-ın məlumatına görə, Nazim İbrahimov vəzifədə
olduğu zaman Niyazi Bayramova aid olan və Bakıda ən bahalı geyim mağazalarından
hesab edilən Stefano Ricci tərəfindən keçmiş komitə sədrinə müxtəlif jestlər
edilirdi.
Belə ki, Nazim İbrahomovun burada xüsusi
endirimləri, o cümlədən 300 000 manata qədər güzəştli ödəmə xətti var idi.
İnsafən də demək lazımdır ki, Nazim İbrahimov buradan vəzifədə olduğu zaman
özü, ailəsi, dostları üçün, eyni zamanda hədiyyələr almaq məqsədilə milyonlarla
manatlıq alış-veriş etmişdi. O, bu dükanın ən yaxşı müştəriləri arasında idi.
Nazim İbrahimov vəzifədən gedəndən sonra bəlli
olur ki, sən demə, onun Stefano Ricci-yə 128 000 ABŞ dolları borcu qalıbmış.
Məşhur geyim mağazası bir neçə dəfə xəbərdarlıq
etsə də Nazim İbrahimov buna məhəl qoymayıb.
Nəticədə bu məsələ icra başçısı və keçmiş
komitə sədrinin münasibətinin kəskin pisləşməsinə səbəb olub.
Yeri gəlmişkən Stefano Ricci keçmiş məmurlarla
problem yaşayan yeganə geyim dükanı deyil.
İnci