Gənc namizəd Rəna Qəfərova Ağstafa Mədəniyyət Mərkəzində təntənəli görüş keçirdi - FOTO
22:38 / 29.01.2020
11675
108 saylı Ağstafa Seçki dairəsindən namizədliyi qeydə alınmış gənc namizəd Rəna Qəfərova seçicilərilə görüşlərini uğurla davam etdirir.
Sfera.az-ın xəbərinə görə, Rəna Qəfərova 29.01.2020-ci il tarixində Ağstafa rayon Mədəniyyət Mərkəzində təntənəli və izdihamlı görüş keçirib. Ağstafa rayonunun sayılıb-seçilən ziyalılarının, elm adamlarının qatıldığı həmin tədbirdə Rəna Qəfərovanın fəaliyyəti yüksək dəyərləndirilmiş və ona rayon ictimaiyyəti adından uğurlar arzulanmışdır.
Deputatlığa namizəd onun ünvanına xoş sözlər söyləyən hər bir çıxışçıya dərin minnətdarlığını bildirmişdir. Tədbirin sonunda Rəna Qəfərova öz çıxışını dahi və unudulmaz şairimiz Səməd Vurğunun "Azərbaycan" şeiri ilə yekunlaşdırmışdır.
Namizədin növbəti görüşləri haqda da ətraflı məlumat verməyə çalışacağıq.