ABŞ prezidenti Barak Obama görüş yerinə 10 dəqiqə gec gəlib


Dünyanın inkişaf etmiş 7 ölkəsinin liderləri 42-ci dəfə keçirilən "G7" zirvəsinə qatılmaq üçün Yaponiyada görüşüblər. 


Dünya liderlərini, zirvənin açılış toplantısının keçiriləcəyi Ise-Shima bölgəsindəki tarixi Şinto məbədinin qarşısında Yaponiyanın baş naziri Şinzo Abe qarşılayıb. 


ABŞ prezidenti Barak Obama görüş yerinə 10 dəqiqə gec gəlib. 


Ş.Abe və B.Obama "G7" liderləri Almaniya kansleri Angela Merkel, Fransa prezidenti Francois Hollande, İngiltərə baş naziri David Cameron, İtaliya baş naziri Mateo Renzi və Kanada baş naziri Justin Trudeau ilə şəkil çəkdiriblər. 


İki gün çəkəcək zirvə toplantısının əsas gündəmi iqtisadi məsələlər, terrorla mübarizə və Avropanı sarsıdan miqrant axını məsələsidir.