No Image
No Image

Futbolda “ingilis barmağı” - Çempionlar Liqasına alternativ yaradılması nəyə xidmət edir?

Futbolda “ingilis barmağı” - Çempionlar Liqasına alternativ yaradılması nəyə xidmət edir?
Avropanın 12 nəhəng futbol klubu Avropa Super Liqası yaratmaq niyyətinə düşüb.  Əsasən İngiltərədən qaynaqlanan bu ideyanı dəstəkləyən klublardan 6-sı məhz bu ölkəni təmsil edir. Bunlar "Mançester Siti”,  "Mançester Yunayted”,  "Liverpul”,  "Arsenal”, Çelsi” və "Totenhem” klublarıdır.  Bundan əlavə 3 İspaniya nəhəngi, "Real” (Madrid), "Barselona” və "Atletiko” (Madrid), habelə İtaliya güclüləri olan "Yuventus”, "İnter” və "Milan” klubları da həmin turnirdə  iştirak etmək niyyətlərini ortaya qoyub. 
 
Gələcəkdə isə bu siyahı digər nəhəng klubların hesabına daha da genişlənə bilər. Söz yox ki, bəzi klubların bu addımı UEFA və FİFA tərəfindən kəskin narazılıqla qarşılanıb. Onlar  həmin klublara qarşı bəzi qadağa və sanksiyalar tətbiq edəcəyini bəyan ediblər.

Görəsən, sözügedən 12 klubun bu ideyasının arxasında hansısa siyasi maraqlar dayanmırmı? Sirr deyil ki, idman sahəsi çoxdan siyasiləşib.

Məsələ ilə bağlı Sfera.az-a danışan politoloq Şahin Cəfərli bildirib ki, sözügedən ideyanın arxasında sözsüz ki, siyasi maraqlar dayanır: "Futbol üzrə Avropa Super Liqası ideyasının arxasında "JP Morgan Chase” şirkəti dayanır. "2,5-2,7 trilyon dollara sahib "JP Morgan” ABŞ-ın nəhəng 4 bank-maliyyə konqlomeratından biridir, dövlət içində dövlətdir. "Rokfellerlərin bankı” da adlandırılır, çünki 2000-ci ildə "Morgan” ilə birləşən "Chase Manhattan Bank”ın qurucu ortaqlarından olan "Chase National Bank”ın təməlində Rokfeller ailəsinin "Equitable” bankı dayanır. ABŞ Federal Rezerv Sisteminin (FED) yaradılmasında da bu strukturların və ailələrin rolu var.
 
Məlumatlara görə, "JP Morgan” Avropa Super Liqasına bu işi qurmaq üçün 6 milyard avro ayırıb. İştirakçı klublar hər il 264 milyon avro ayaqbasdı alacaq, qazanılacaq uğurlara görə əlavə gəlirlər də olacaq”.

Həmsöhbətimizin  fikrincə, bu layihədə "Brexit”dən sonra formalaşmaqda olan düzənin ruhu hiss olunur: "Bu qədər nəhəng layihədən söhbət gedirsə, onda bunu siyasətdən tam ayrı düşünə bilmərik. İdeya müəllifləri Britaniya futbolunun nəhəngləridir, Avropa Birliyinin liderləri olan Almaniya və Fransa futbolunun nəhəngləri - Bayern və PSG isə orada yoxdur. İngilislər futbol oyununu sistemləşdirib, onu bütün dünyanın sevimlisinə çeviriblər. İndi sanki eqoist uşaq kimi topu götürüb gedir və dar çərçivədə, daha elit bir mühitdə futbol oynamaq istəyirlər. Amma layihənin arxasında Britaniya hökumətinin dayandığı inandırıcı deyil”.

Politoloqun qənaətincə, belə layihələrin ortaya atılmasında UEFA və FİFA-da geniş yayılmış korrupsiya, rüşvət kimi məqamlar da müəyyən stimul verib: "Dünya və Avropa futbolunu inhisara almış UEFA və FİFA-nın korrupsiya, rüşvət girdabında boğulduğu, futbolu çirkaba batırdıqları artıq bir gerçəkdir. FİFA və UEFA-nın seçkili orqanları dünya və qitə federasiyalarının nümayəndələrinin səsi ilə formalaşır, hər seçkidə böyük miqdarda rüşvət paylanır, nümayəndələrin səsləri satın alınır. Hətta dünya, Avropa birinciliklərinin ev sahibliyi də pul müqabilində satılır, bununla da futbol "təmiz oyun” kimi gözdən düşür, ləkələnir.

Düzdür, hələlik UEFA-nın məhv olmasından danışmaq  tezdur. Amma 12 böyük klub ayrıldıqdan sonra Çempionlar Liqasının həm reklam gəlirləri, həm də populyarlığı kəskin şəkildə aşağı düşəcək. Bir sözlə,  sözügedən ideyasının arxasında "JP Morgan Chase” şirkəti dayanırsa, UEFA gedib, mini futbal və ya plyaj futbolu ilə məşğul olsa yaxşıdır”.

Elçin
 
Sehliyali
Turan Bank

OXŞAR XƏBƏRLƏR

Bakıda 100 min avtomobil hara “yoxa çıxıb”? – Ekspert azalmanın səbəblərini açıqladı

"Köhnə maşınların sıradan çıxması və pandemiya mövcud azalmaya səbəb olub”. Bu sözləri Sfera.az-a açıqlamasında son 6 ildə Bakı şəhəri üzrə  avtom...

Azad Rəhimovun oğlu ölkə ictimaiyyətinə müraciət etdi: "Xahiş edirik..."

"Formula 1" üzrə Azərbaycan Qran Prisinin promouteri Arif Rəhimov atası, Gənclər və idman naziri Azad Rəhimovun vəfatı ilə əlaqədar paylaşım edib. Sf...

Kamaləddin Qafarov baş həkimlərin həbsindən niyə narahat olub? – İzlər onu ələ verə bilər

Milli Onkologiya Mərkəzinin direktor müavini, deputat Kamaləddin Qafarov üçün çətin dönəm başlayıb. Sfera.az-ı məlumatlandıran mənbənin sözlərinə görə...

“Pambıq planı deyil ki...” – Vaksinasiya COVİD-19 bəlasından qurtuluşdur, amma...

"COVİD-19 bəlasından qorunmağın, o cümlədən qurtulmağın ən optimal yolu vaksinasiyadır”. Sfera.az-ın məlumatına görə, bunu tanınmış həkim Vaqif Qarayev...

Baydendən növbəti ermənipərəst addım - Azərbaycan necə reaksiya verəcək?

Xəbər verdiyimiz kimi Amanta Pauer ABŞ Beynəlxalq İnkişaf Agentliyinə (USAID) rəhbər gətirilib.   Ermənipərəst mövqeyi ilə diqqət çəkən siyasətçinin bu v...

Baloğlan Əşrəfovun koronavirusa yoluxduğu veriliş hədəfdə – “Niyə hamı bir mikrafondan istifadə edib?”

Xəbər verdiyimiz kimi, ötən gecə əməkdar artist Baloğlan Əşrəfov koronavirusdan dünyasını dəyişib. Bundan öncə sənətçi televiziya kanallarının müğənnil...