Fransada nazir və millət vəkilləri karantini sərt şəkildə pozdu - Polis araşdırmaya başlayıb
16:52 / 05.04.2021
727
Fransada nazir və millət vəkilləri yemək üçün gizli şəkildə
restoranlara getməkdə ittiham olunur.
Sfera.az xəbər verir ki, Fransanın paytaxtı Parisdə
bəzi nazir və millət vəkillərinin qanunsuz fəaliyyət göstərən lüks
restoranlarda yemək yeyərək koronavirus məhdudiyyətlərini pozduqları iddia
edilib.
Ölkənin "M6” televiziya kanalının gizli kamera ilə
çəkdiyi kadrlar Parisin mərkəzində yeraltı məkanlarda fəaliyyət göstərən lüks
restoranların məşhur aşpazların hazırladığı menyularla gizli şəkildə xidmət
göstərdiklərini ortaya çıxarıb.
Sözügedən restoranlarda menyu qiymətlərinin 490
avroya çatdığı bildirilir.
Məsələ ilə bağlı Tvitterdə açıqlama verən Fransa
Daxili İşlər naziri Gerald Darman KİV-də dərc olunan xəbərləri əsas alaraq
Paris Polis İdarəsinə məsələni araşdırmağı tapşırdığını bildirib.
Paris Polis İdarəsi iddialarla əlaqədar araşdırmalara
başladıqlarını açıqlayıb.
İnci