Fransanın Azərbaycana müsbət jesti - Deputat Parisin son addımını şərh edir
11:49 / 16.10.2021
1264
Son günlər
44 günlük müharibə zamanı, eləcə də ondan əvvəlki dövrdə Azərbaycana qarşı qərəzli
siyasi kurs tutmuş Fransa dövlətinin mövqeyində dəyişiklik sezilir.
Bir neçə
gün öncə Fransanın Piyadalar Əleyhinə Minaların Məhv Edilməsi üzrə Milli
Komissiyasının nümayəndə heyəti Azərbaycana səfəri və əməkdaşlıqla bağlı müsbət
yöndə açıqlamalar verməsi də buna əsas verir.
Maraqlıdır,
Azərbaycan-Fransa münasibətlərində yeni mərhələ başlaya bilərmi?
Mövzu ilə
bağlı Sfera.az-a danışan deputat Müşfiq Məmmədli Fransanın Azərbaycana münasibətinin
dəyişməsi səbəbinin regionda yaranan mənzərə və iqtisad-siyasi maraqlar
olduğunu bildirib:
"Münasibətlərin
yumşalmasına səbəb Azərbaycanın 44 günlük müharibədən sonra yaratdığı
reallıqdır. Artıq Fransa tərəfindən Azərbaycanın haqq mübarizəsinə obyektiv
yanaşmanın olduğunu müşahidə edirik. Bu da Azərbaycanın Cənubi Qafqazda söz
sahibi olan ölkəyə çevrilməsinin nəticəsidir. İşğaldan azad edilmiş ərazilərin
minalardan təmizlənməsi üçün Fransa tərəfindən təklif irəli sürülüb ki, bu da
humanitar baxımdan bizim üçün müsbət addımdır. Biz artıq münasibətlərdə istiləşmənin
şahidi oluruq”.
Deputat
bundan sonrakı mərhələdə Çin, Hindistan kimi ölkələrin də Azərbaycanla əlaqələrin
gücləndirilməsi üçün mühüm perspektivli təkliflər irəli sürəcəyini qeyd edib:
"Azərbaycan
artıq Cənubi Qafqazda bütün dünyada aparıcı ölkələrin də hesablaşmağa məcbur olduğu güc sahibinə
çevrilir. Şərq-Qərb dəhlinizin ən mühüm və təbii ehtiyatları zəngin olan Qafqaz
ölkəsi Azərbaycandır. Bu baxımdan biz iqtisadi maraqlarla siyasi maraqların kəsişdiyinin
şahidi oluruq. Biz perspektivli təkliflərin
digər ölkələr tərəfindən də irəli sürüləcəyini görəcəyik. Bu ölkələrin sırasına
Çini, Hindistanı da əlavə etmək olar. Artıq regiona baxış bucaqları dəyişməkdədir”.