“Fransanı apardığı siyasətə görə cəzalandırırlar” – Avstraliyanın ardınca İsveçrə də bu addımı atdı
11:37 / 20.09.2021
676
Avstraliya Fransadan üz çevirirək ABŞ-la nüvə razılaşması
əldə etdikdən sonra İsveçrə də anoloji addım atıb.
Belə ki, İsveçrə Fransadan "Rafale” təyyarəsi əvəzinə
ABŞ-dan F-35 qırıcısını alacağını bildirib. Bütün bunlar öz növbəsində Fransaya
milyardlarla dollar itki verir.
Maraqlıdır, ölkələrin Fransadan uzaqlaşması nəyə
işarədir? ABŞ-la əməkdaşlıq Fransanın blokadaya alınması anlamına gələ bilərmi?
Mövzu ilə bağlı Sfera.az-a danışan politoloq Natiq
Miri bəzi ölkələrin Fransadan uzaqlşamasının Makronun yürütdüyü siyasətlə əlaqələndirib.
Mütəxəssis Emmanuel Makronun uğursuz dövlət başçısı və siyasətçi kimi səciyyələndirib:
"Konkret kəşfiyyat informasiyaları olmasa da
Avstraliyadan sonra İsveçrənin də Fransaya qarşı demarşı hansısa üstünlüyün
qazanılması, yəni yaxşı texnikanın əldə olunması ilə bağlı deyil. Hiss olunur
ki, Fransanı apardığı siyasətə görə cəzalandırırlar. Fransa prezidenti Makron
NATO əleyhinə çıxışları ilə fərqlənən dövlət başçılarından biridir. Bu səbəblə
arxa cəbhədə Fransa bir çox oyunlardan kənarda saxlanılırdı.
Məlum olduğu kimi, ABŞ Əfqanıstandan çıxarıldıqdan
sonra artıq Avropa Birliyinin özünün ordusunun yaradılması müzakirə olunur. Bu
məsələdə Makron öndə gedən siyasətçilərdən biridir. Bu baxımdan Avstraliya və İsveçrənin
siyasəti başadüşüləndir. Bütün bu imtinaların kökündə Fransada keçiriləcək
prezident seçkiləri dayanır. Makronun bu günədək xarici siyasətdə heç bir uğuru
yoxdur. Biz bunu Qafqazda, Qarabağda da gördük. 100 milyarddan artıq bir müqavilənin
ləğvi Makronun siyasi nüfuzuna ciddi şəkildə təsir edəcək. Bütün bunların
fonunda aydın olur ki, qlobal güclər Makronu 2022-ci ildən etibarən prezident görmək
istəmirlər".
Politoloq Fransanın yeni prezidentinin Qafqaz siyasətində
daha radikal mövqe tuta biləcəyini istisna etməyib. Ekspert buna səbəb kimi erməni
lobbisinin maliyyəsini göstərib:
Əzizə Zeynal
Sfera.az 
