Bu gecə 00:00-dan etibarən kinoteatrlar, kazinolar açılacaq, küçələrdə musiqi festivallarının təşkilinə icazə veriləcək. Yumşaldılma qərarı idman tədbirlərinə də şamil olunacaq.

İyulun 11-dən isə komanda idman növləri üzrə yarışlar bərpa olunacaq, futbol matçları zamanı 5 minədək azarkeş stadionlara daxil ola biləcək. Həmçinin insanların qaçış cığırlarından istifadəsi mümkün olacaq.

Stadionlarla yanaşı, hipodromlar da açılacaq. Döyüş idman növlərinə qoyulmuş qadağa isə hələlik qüvvədə qalacaq.

Qeyd edək ki, Fransada futbol mövsümü aprelin sonlarında dayandırılıb, PSJ çempion elan olunub. (report.az)