Populyar "Facebook” sosial şəbəkəsinin istifadəçiləri artıq bundan sonra əşyaların satışı ilə bağlı elanlarını da dərc edə biləcəklər. 

 İKT.lent.az şirkətin yaydığı məlumata istinadən bildirir ki, "Facebook” "Marketplace” adlanan yeni xidməti istifadəyə verib.

Bu xidmətin sayəsində sosial şəbəkənin istifadəçiləri əşyaların satışı ilə bağlı elan dərc etmək imkanı qazanacaq. Şirkət rəsmiləri bildirir ki, gündəlik olaraq "Facebook”da geyim və paltar satışı ilə bağlı elanları 450 milyon insan ziyarət edir. Bunun üçün də istifadəçilərin əşyalarını satmasına və almağı sadələşdirməyə kömək etmək üçün qərar qəbul edilib. 

"Marketplace” çox asanlıqla sizin bəyəndiyiniz yeni əşyaları tapmağa imkan verəcək. Həmçinin sizin vidalaşmağa hazır olduğunuz əşyalarınız üçün yeni ev tapmağa kömək olacaq”, - deyə "Facebook”un məlumatında deyilir.