\"Əvvəllər toylara 5 minə gedirdilərsə, indi...” - Türkan Vəlizadədən iddialı AÇIQLAMA
16:41 / 08.04.2021
1629
"Təşkilatçılar bizə konsertlərlə, toylarla bağlı təkliflər etdilər. Lakin biz qonorarla razılaşmadıq, çünki çox az verirlər”.
Sfera.az-ın məlumatına görə, bunu müğənni Türkan Vəlizadə "Günə bir şou” verilişində deyib. O, pandemiya ilə əlaqədar qonorarların kəskin azalmasından şikayətlənib:
"Kim ki desə, mən Moskvada neçə min dollara toylara gedirəm, boş söhbətdir. Yalan danışırlar. Əvvəllər toylara 5 min dollara gedilirdisə, indi min, 2 min...”.
Müğənninin həmkarı Vasif Məhəmərrəmli də onu dəstəkləyib və düz dediyini vurğulayıb.
Verilişin aparıcı Tarix Əliyev (Tolik) də eyni addımı atıb. Belə ki, o, sosial şəbəkə hesabında "Türkandan iddialı açıqlama gəldi, amma mən də təsdiqləyirəm, düz deyir. Yalandan səhifələrə pul verib bəh-bəhlə tərifləməklə deyil”, - deyə qeyd edib.
İzləyicilər isə Türkanı kəskin tənqid edib; "1000 dollar pul deyil ki?” , "Mən olsam, Türkana heç min dollar da vermərəm” kimi şərhlər gəlib.
Türkan
Sfera.az