“Əvvəlcə xəbərdarlıq, ikinci dəfə rəsmi nota, üçüncü dəfə...” – Bakının İran siyasəti dəyişir
15:19 / 28.09.2021
2064
"Prezident
"bizim addımlarımız məsuliyyətlidir, dostluq əlaqələrinə əsaslanandır” deyərək
topu İranın meydanına atdı. Yəni rəsmi Tehran bundan sonra hansı addımı atsa, rəsmi
Bakı buna səssiz qalmayacaq və İranın addımlarını dostluq indeksinə görə qiymətləndirib
elə cavab verəcək”.
Bu sözləri
Sfera.az-a açıqlamasında politoloq Qabil Hüseynli ötən gün Prezident İlham
Əliyevin "Anadolu" agentliyinə verdiyi müsahibəsində İranla bağlı
qeyd etdiyi məqamları şərh edərkən deyib.
Onun
sözlərinə görə, Prezident İlham Əliyevin "Anadolu" agentliyinə
verdiyi müsahibə əvvəlki müsahibələrindən müəyyən mənada fərqlənirdi:
"Ölkə
başçısının İranla bağlı vurğuladığı məqamlar həm rəsmi Tehranın Bakının əsəblərini
tarıma çəkdiyini, həm də ölkə başçısının mövcud vəziyyətlə barışmaq niyyətində
olmadığını bir daha sübut edir. Xüsusilə, Prezidentin "hər ayın əvvəlində, bizdə
məlumat toplanır ki, nə qədər İran TIR-ı Qarabağa daxil oldu, nə qədər TIR
çıxdı, nə gətirdi, nə apardı. Onların qeydiyyat nişanlarına qədər bizdə bütün məlumatlar
var. Onlar mətbuatda dərc olunub” sözləri ciddi mesaj xarakterli idi".
Politoloqun
sözlərinə görə, ölkəmizin İrana münasibəti onların sərgilədiyi münasibətlə
paralellik təşkil etməlidir:
"Tehran Bakı ilə mövcud gərginliyi
aradan qaldırmaq istəyirsə, ilk növbədə Qarabağa təşkil edilən səfərləri
dayandırmalı və ya bundan Bakını xəbərdar etməlidir. Əks təqdirdə Prezidentin də
dediyi kimi, "birinci dəfə şifahi xəbərdarlıq, ikinci dəfə rəsmi nota, üçüncü dəfə
postlar".
