Əvvəl qarət etmək istədi, sonra qucaqladı - VİDEO
00:15 / 12.03.2020
6381
Bilyard klubunu qarət etmək istəyən oğru fikrindən daşınaraq, onu tanımış bufetçini qucaqlayıb.
Sfera.az bildirilir ki, narkotik asılılığı olan Lyuk Cons hadisə günü vaxtilə üzvü olduğu yerli bilyard klubunu soymaq qərarına gəlib. O, üzünü maska ilə örtərək, müəssisəyə silahlı basqın edib. Həmin vaxt bar masasının arxasında İvetta Smit təmizlik işləri aparırmış. Qadın ona silah tuşlamış gənci tanıyıb və "Lyuk, niyə belə edirsən?” deyə, ağlamağa başlayıb.
Bundan sonra Cons silahı kənara qoyub, maskasını çıxarıb və qıza təsəlli vermək üçün onu qucaqlayıb.
Polis idarəsində verdiyi ilkin ifadədə Cons zarafat etdiyini desə də, sonradan heroin üçün pul lazım olduğunu etiraf edib. Məhkəmə onun 8 il müddətinə azadlıqdan məhrum edilməsi barədə qərar çıxarıb. Bundan başqa, o, 15 il müddətində Smitə yaxınlaşa bilməz.
Məhkəmədə bildirilib ki, qadın yaxın qohumu özünü güllələyəndən sonra silahdan qorxub. Bu səbəbdən bilyard klubunda baş verənlər onun psixikasına ciddi zərər vurub və İvetta Smit hələ də özünə gələ bilməyib. (oxu.az)