Əsmər Əliyeva şəhidlərimizin məzarlarını ziyarət edib - FOTOLAR
20:19 / 20.01.2020
12170
Bu gün xalqımızın qəhrəmanlıq səlnaməsi olan qanlı 20 Yanvar faciəsinin 30-cu ildönümüdür. XX əsrin sonunda tariximizə qara hərflərlə yazılmış bu faciə bütün ölkədə dərin hüznlə yad edilir.
Növbədənkənar parlament seçkilərində 46 saylı Şirvan şəhər Seçki Dairəsindən deputatlığa namizəd olan Əsmər Əliyeva da bu gün Şəhidlər Xiyabanında uyuyan şəhidlərimizin məzarlarını ziyarət edib, ruhlarına dualar oxuyub, xatirələrini ehtiramla yad edib.
Deputatlığa namizəd şəhid valideynlərinə və doğmalarına dərin hüznlə başsağlığı verib. Bütün Azərbaycan xalqının onlara Vətən üçün şəhid olan övladlar yetişdirdikləri üçün minnətdar olduğunu bildirib.
Sonra Əsmər Əliyeva 20 Yanvar abidəsini ziyarət edərək, abidənin önünə əklil qoyub.