Sfera.az-ın məlumatına görə, sosial şəbəkələrdə bununla bağlı video yayılandan sonra nazir faktı təsdiqləyib. Belə ki, Avanesyanın sözlərinə görə, həmin cəsədlər Abovyan şəhərindəki xəstəxananın meyitxanasında polietilen torbalara bükülərək 7 aydır gizlədilib. 

Qurum rəsmisi bildirib ki, cəsədlərin kimliyinin müəyyən edilməsi üçün bu addım atılsa da, müddətin uzanması qəbuledilməzdir. Nazir qeyd edib ki, hadisə ilə bağlı istintaq işi başladılacaq.

Baş verənlərdən xəbərdar olan Paşinyan dərhal mətbuat katibi Mane Gevorgyan vasitəsilə açıqlama verib. Gevorgyan yaşananların qəbuledilməz olduğunu və baş nazirin cavabdeh şəxslərin tapılması üçün rəsmi araşdırma əmri verdiyini söyləyib. 

"Sözügedən şəxslərin cavab verməsi üçün bütün tədbirlər görüləcək” , - deyə mətbuat katibi qeyd edib.