"Ermənistanın hamının-hamılıqla dəyişdirilməsinə gedəcəyinə inanmıram”.

Sfera.az-a açıqlamasında bu sözləri Ukrayna ilə Rusiya arasında hər iki tərəfdən həbs olunan və girov götürülənlərin hamının-hamılıqla prinsipi üzrə dəyişdirilməsi fonunda Azərbaycanla Ermənistanın da girovlarla bağlı məsələdə anoloji addım atması perspektivinə toxunarkən politoloq Cümşüd Nuriyev deyib:

"Ermənistanda 4 minə yaxın azərbaycanlı girov var. Onların dəyişdirilməsini həyata keçirmək olar. Amma Ermənistanın hamının-hamılıqla dəyişdirilməsinə gedəcəyinə inanmıram. Çünki Ermənistanda bir nəfər də olsun azəri kökənli türk yoxdur. Amma təkcə Bakıda 30 min erməni kökənli var. Bu kimi məsələlərdə Azərbaycan həddən artıq demokratikdir. Ölkəmizdə bu qədər erməni ola-ola bir şey etmirik. Nədən onları dəyişməyək ki?”

Politoloq söylədi ki, burada yaşayan ermənilərin heç biri durub Azərbaycanı müdafiə etmir: "Necə olur ki, onlar Azərbaycanın hesabına yaşayır və dolanır, amma dövlətimizin təbliği istiqamətində heç nə danışmırlar”.