Halbuki fevralda keçirilən sorğuda əhalinin 33,1 faizi Paşinyanı, cəmi 7,8 faizi isə Köçəryanı dəstəkləyib.

Son sorğu isə Köçəryanın mövqeyinin möhkəmləndiyindən xəbər verir. Hansı amillər bu vəziyyətin yaranmasına səbəb olub?

Məsələ ilə bağlı Sfera.az-a danışan politoloq Məhəmməd Əsədullazadənin fikrincə, Nikol Paşinyanın müəyyən manevr cəhdlərinə baxmayaraq sərhədlərin delimitasiya və demarkasiya prosesində Azərbaycanın öz sərhədləri daxilində möhkəmlənməsi Ermənistan daxilində onun reputasiyasına mənfi təsir göstərib:

"Həmçinin ölkədə sosial-iqtisadi vəzyyət ağırlaşmaqda davam edir. Paşinyanın martda elan etdiyi fəaliyyət planı çərçivəsində hələ də hər hansı bir irəliləyiş gözə dəymir. Bunun özü də Paşinyanın reytinqinə mənfi təsir göstərib”.

Amma ekspert sözügedən rəy sorğusunun reallığı tam əks etdirmədiyi qənaətindədir: "Əslində, Köçəryanın reytinqi Paşinyanla müqayisədə kifayət qədər aşağıdır. Cəmiyyət Köçəryana nifrətlə yanaşır. Bu səbəbdən də onun hakimiyyətə gəlməsində maraqlı deyillər. Köçəryanın verdiyi vədlər də revanşist açıqlamalar olmaqla yanaşı, Azərbaycan və Türkiyə ilə əlaqələrin pozulmasına hesablanıb. Paşinyanın ideyaları isə Ermənistanı iqtisadi blokadadan çıxarmaq, sülh və təhlükəsizlik paketlərindən ibarətdir”.

Bu səbəbdən həmsöhbətimiz rəy soğrusu keçirən "Gallup İnternasional Association” şirkətinin müəyyən qruplar tərəfindən ələ alındığı və bu sorğuların manipulyasiyaya, xalqı çaşdırmağa hesablandığını düşünür.

Rüfət SULTAN