“Hər tərəf türklərdir…” – Ermənilərin Qafandan qaçmasını əks etdirən VİDEO

“Hər tərəf türklərdir…” – Ermənilərin Qafandan qaçmasını əks etdirən VİDEO
Sosial şəbəkələrin erməni seqmentində Ermənistan ordusunun Azərbaycanla sərhəddə yerləşən Qafan şəhəri yaxınlığında hərbçilərin acınacaqlı vəziyyəti barədə yayılan video geniş rezonans doğurub. Ermənistanın hərbi polisi və prokurorluğu məsələ ilə bağlı istintaq başladıb, post komandiri isə hərbi polis tərəfindən saxlanılıb.

Sfera.az Haqqın.az-a istinadən xəbər verir ki, Ermənistan KİV orqanlarında yayılan məlumata görə, videoda bir qrup hərbçi postlarındakı vəziyyətin acınacaqlı olduğunu, radio və digər lazımi cihazların olmadığını bildirib.

"Qafan onsuz da təslim olduğu üçün geri çəkilməyimiz əmr edilib. Hər tərəfdə türklərdir (azərbaycanlılar - red.), üç tərəfdə onların postları yerləşir. Hər postda 50-60 nəfər var və bizdə isə cəmi 9 nəfər”, - deyə erməni hərbçilərdən biri qeyd edib.

"Qafanın təslim olması” ilə bağlı qalmaqallı videonun çəkildiyi nəzarət məntəqəsinin komandiri gecə yarısı hərbi polisə çağırılıb. Bu barədə hüquq müdafiəçisi Ruben Melikyan özünün feysbuk səhifəsində məlumat verib.

"Bir çoxunuz bu gün Qafandakı mövqelərimizdən biri ilə bağlı məsələləri gündəmə gətirən videoya baxmısınız. Nəzarət məntəqəsinin komandiri Artak Arutyunyan gecəyarısı hərbi polisə çağırılıb. İndi birlikdə gedirik”,- deyə Melikyan qeyd edib.

Hüquq müdafiəçisi bildirib ki, polisə çağırılmanın səbəbi tam olaraq açıqlanmayıb. Belə ki, problemin ictimailəşdirildikdən sonra yerli hökumət tərəfindən qismən həll edildiyi bildirilirdi.

Sözügedən video 44 günlük Qarabağ müharibəsi zamanı məğlub olan erməni ordusunun qalıqlarının nə qədər acınacaqlı vəziyyətdə olduğunu göstərir. Azərbaycan Dövlət Sərhəd Xidmətinin qoşunları tez bir zamanda Ermənistanla dövlət sərhədində möhkəmlənərkən və onlar üçün təchiz edilmiş kazarmalar və müşahidə məntəqələri qurularkən Ermənistan tərəfinin sərhəd ərazilərinə nizamsız könüllü dəstələrini yerləşdirməsi bu faktı bir daha təsdiqləyir.
 
 

Sehliyali
Turan Bank

OXŞAR XƏBƏRLƏR

Azərbaycan hərbçiləri erməni əsgərlərini ərazilərimizdən belə qovdu - VİDEO

Azərbaycan hərbçilərinin Ermənistan əsgərlərini tərksilah edib tutduğu mövqelərdən qovması barədə görüntülər yayılıb. Sfera.az  baku.ws-ə istinadən x...

Bakıda Zəfər yürüşü başladı - VİDEO

Bakıda Zəfər Günü ilə əlaqədar yürüş keçirilir. Sfera.az bildirir ki, saat 10-da hərbi orkestrin müşayiəti ilə başlayan yürüş Azneft dairəsindən "Ağ ...

Bu avtomobillər əlavə dəyər vergisindən azad edilə bilər - VİDEO

Ölkəmizə idxal edilən hibrid avtomobillər əlavə dəyər vergisindən azad oluna bilər. Sfera.az-ın "Xəzər Xəbər"ə istinadən məlumatına görə, bu məsələ Vergil...

Helikopterlərimiz erməni tanklarını belə məhv edib - Müharibədən heç yerdə görmədiyiniz KADRLAR

Azərbaycan Ordusunun 44 günlük Vətən müharibəsində əldə etdiyi qələbə Hərbi Hava Qüvvələrinə məxsus helikopterlərin də böyük payı olub. Sfera.az  İTV...

DİN: “Gözəllik salonlarında arıqlama dərmanı adıyla “patı” satılır” - VİDEO

"Bəzi gözəllik salonlarında qadınlara arıqlama dərmanı adı altında "patı” satılır”. Sfera.az bildirir ki, bunu "ARB 24”ün "Gündəm” verilişinə açıqlamasınd...

“Hər tərəf türklərdir…” – Ermənilərin Qafandan qaçmasını əks etdirən VİDEO

Sosial şəbəkələrin erməni seqmentində Ermənistan ordusunun Azərbaycanla sərhəddə yerləşən Qafan şəhəri yaxınlığında hərbçilərin acınacaqlı vəziyyəti barədə yayı...