Sfera.az bildirir ki, bunu REAL partiyasının icraçı katibi Natiq Cəfərli deyib. O, sözügedən hadisələrin erməni mətbuatına yansıdığını vurğulayıb:

"Hətta artıq, "qoymayın, türklər bizim maşınlarımızı oğurlayır”, kimi başlıqlar, manşetlər atırlar. Deməli, Ermənistan sakini "UAZ” markalı maşınla ərazimizə daxil olub – özü də ordumuzun nəzarətində olan bölgəyə girdiyini etiraf edir. Orada yanacağı bitib, maşını qoyub gedib yanacaq gətirməyə, qayıdanda görüb ki, "UAZ” yerində yoxdur və bunu bütün Ermənistan KİV-ləri "oğurluq” kimi qələmə verirlər. 

Əslində gələcəkdə sürücüsüz, nəzarətsiz maşınlar ərazimizdə tapılsa, risk etmək lazım deyil, yerindəcə məhv edilməlidir. Çünki minalanmış ola bilər, terror xarakterli təxribat, tələ ola bilər. Təbii ki, nəzarətsiz olan, ərazimizdə tapılan maşın götürülməli, yoxlanılmalı idi, bunu "oğurluqla" nə əlaqəsi?!”.

"İşğal etdikləri əraziləri özününkü hesab edir, yollar çəkirdilər. Bu ərazilərin heç vaxt Azərbaycana qayıtmayacağından əmin idilər. Ona görə indi şok yaşayırlar – 44 günlük Vətən Savaşından öncə Gorusa, Qafana bizim ordunun nəzarət etdiyi torpaqlardan 150-200 km məsafə var idi. İndi urdumuz sərhəddə, Qafanın 3-5 km-də, Gorusun yaxınlığındadı. Polisimiz isə bunların işğal zamanı bizim torpaqlarda inşa etdiyi yollarda post qurublar – bu, Ermənistanda ciddi psixoloji gərginlik yaradıb.

Bu bir daha bəzi boşboğazların, "Onsuz da Ermənistan 7 rayonu qaytarırırdı da, daha niyə döyüşdük”, çərənnəmələrinə cavabdır. Ermənistan danışıqla bir kənd belə qaytarmayacaqdı, belə iddiada olanlar ağ yalan danışırlar, manipulyasiya ilə məşğuldurlar”.