Sfera.az bildirir ki, bunu politoloq Məhəmməd Əsədullazadə sentyabrın 29-da Rusiya prezidenti Putin və Türkiyə prezidenti Rəcəp Tayyip Ərdoğanın Soçidə keçiriləcək görüşündən danışarkən bildirib. O qeyd edib ki,  Rusiya bir müddətdir, Türkiyənin Ukraynaya hərbi-texniki dəstəyindən narahatdır:

"Putinin Ərdoğandan belə bir dəstəyi kəsməsini istəməsi mümkündür. Təbii ki, Ankara Ukraynaya dəstəklə bağlı Rusiyanın istəklərini yerinə yetirməyəcək. Çünki Ukrayna, Qara dəniz hövzəsi Türkiyənin əlində ciddi rıçaqdır. Suriyada İdliblə bağlı gərgin vəziyyət hökm sürür. Rusiya İdlibə və Afrinə havadan hərbi əməliyyatlar həyata keçirir. Artıq Türkiyədə idlib və Afrin isitiqamətinə yeni hərbi birliklər göndərir. Göründüyü kimi, hər iki tərəf görüş öncəsi öz güclərini nümayiş etdirir. Bunun da məqsədi güzəştə getməməkdir. Türkiyənin bu qərarlılığının Moskvanı güzəştə məcbur etməsi mümkündür”.

"Bu görüşdə əsas müzakirə predmeti də bu istiqamətdə olacaq. Soçi görüşündə tərəflərin ortaq məxrəcə gəlməsi mümkün ola bilər. Hər iki ölkənin dərin böhrana getməsi gözlənilmir. Bu, nə Rusiyaya, nə də Türkiyəyə lazımdır. Xüsusilə, Rusiya Türkiyə ilə hərbi-texniki əməkdaşlığı qorumaqda maraqlıdır. "Zəngəzur" dəhlizi ilə bağlı tərəflər mümkün razılığa gələ bilər. İdliblə əlaqəli  bu görüşdə müsbət razılıq əldə edilsə, Zəngəzur dəhlizi və Ermənistanla münasibətlərin normallaşmasına təsir edəcək. Digər tərəfdən bu danışıqlarda razılaşma olacaqsa, Türkiyə Rusiyadan növbəti dəfə "S-400" havadan müdafiə sistemlərini ala bilər. Bu  məsələdə artıq ABŞ-ın mövqeyi Türkiyə üçün maraqlı deyil”.