Türkiyə prezidenti Rəcəb Tayyib Ərdoğanın ABŞ səfərini izləyən jurnalist Hakan Çelik Ərdoğanın xəstələnməsi haqda yayılan məlumatları təkzib edib.

"Qafqazinfo” türk mediasına istinadən xəbər verir ki, Ərdoğan Brukinqs Düşüncə Mərkəzində çıxış edən zaman binanın qarşısına təcili yardım maşınlarının gəlməyi və mühafizəçilərin təlaşı prezindetin ürəktutması keçirməsi barədə iddialara əsas verib.

Ərdoğanı təqib edən jurnalist heyətinin tərkibində olan və onunla birlikdə prezident təyyarəsində ABŞ-a gedən Hakan Çelik sosial şəbəkədə "Prezident Tayyib Ərdoğanın Vaşinqtonda ürəktutması keçirdiyi və xəstəxanada olması iddiaları tamamilə əsassızdır”-, deyə məlumat yayıb.