Epidemiya ilə mübarizədə uğursuz olan ikinci nazir də İSTEFAYA GÖNDƏRİLDİ
Sfera.az xəbər verir ki, Rumıniya baş naziri Florin Citu COVID-19 epidemiyası ilə mübarizədə səhvlərə yol verən və kütləvi tənqidlərlə qarşılanan səhiyyə naziri Vlad Voikuleskunu istefaya göndərib.
Bununla da epidemiya başlandığı gündən bəri Rumıniyada ikinci səhiyyə naziri istefaya göndərilib.
"Dövlət qurumlarına etibarın davamlılığını təmin etmək məqsədilə Səhiyyə Nazirliyinin rəhbərliyində dəyişiklik etməyə qərar verdim", - deyə Baş nazir bildirib.
Baş nazirin bu qərarı yoluxma sayı yüksək olan bölgələrdə yumşaltma tədbirlərinin tətbiq edilməsindən sonra verməsi birmənalı qarşılanmayıb. Yerli KİV yumşaltma ilə bağlı qərarın Baş nazirlə razılaşdırılmadan qəbul edildiyini, bunun mərkəz sağ koalisiya hökumətində gərginliyə səbəb olduğunu yazıb.
Qeyd edək ki, ventilyatorların işləməməsi səbəbilə paytaxt Buxarestdə yerləşən xəstəxanalardan birinin reanimasiya şöbəsində 3 koronavirus xəstəsinin ölümü və digər xəstələrin yoluxmuş xəstələrə yardım işlərinə cəlb olunmasını əks etdirən görüntülər mübahisələrə səbəb olmuşdu.
İnci
Sfera.az