Elon Musk şəxsi "Twitter” hesabından paylaşdığı cavabda Marsa gediş biletinin qiyməti haqqında bəzi məlumatlar verib.

Sfera.aztürk mediasına istinadən xəbər verir ki, Elon Musk və "Space X” insanları Marsa aparacaq "Starship” raketi hazırlayaraq gələcəkdəki Mars layihəsi haqqında bəzi məlumatları verməyə də davam edirlər. Bu mövzuda Elon Muska çoxlu sayda suallar gəlir və o sualların demək olar ki, heç birini cavabsız qoymur.

Belə ki, tvitter istifadəçisi Elan Muska Marsa getməyin neçəyə başa gələcəyi haqda sual verib. Musk isə Marsa səfərin 500 min dollar olacağını bildirib. Həmçinin o, vaxt keçdikcə bu qiymətin 100 min dollara qədər düşəcəyini və insanların evlərini sataraq Marsa getmək istəyəcəklərini vurğulayıb.

Marsa getdikdən sonra oranı bəyənməyənlərin dönüş biletinin pulsuz olacağını deyən Musk özünün orda yaşamaq ehtimalının 70 faiz olduğunu bildirib.

Qeyd edək ki, "Space X” insanları Marsa aparmağı qarşısına məqsəd qoyan "Starship” gəmisi hazırlayır. Şirkətin məqsədi insanları bu hava gəmisi ilə əvvəlcə Aya aparmaq olacaq. Aya səfər uğurlu alınarsa, "Starship” insanları Marsa aparmaq üzərində işlərə başlayacaq.

Firuzə Alimova / Sfera.az