Elinanın anası: “İki min manat istədi, bizim də o qədər pulumuz yoxdur”

Elinanın anası: “İki min manat istədi, bizim də o qədər pulumuz yoxdur”
162 saylı məktəbin üçüncü mərtəbəsindən özünü ataraq intihar edən Elina Hacıyevanın ailəsinin vəkillə müqavilə bağlamağa maddi imkanı olmadığından, sosial şəbəkələrdə bu məqsədlə yardım göstərilməsi üçün paylaşımlar yayılmışdı.

Sfera.az Bizimyol.info xəbər verir ki, Vəkillər Kollegiyasının rəhbəri Anar Bağırov aprelin 22-də bir neçə vəkilin bu işə qoşulub, ailəyə könüllü şəkildə hüquqi yardım göstərməyə hazır olduğunu bildirib. A.Bağırov həmin vəkillərin adlarını da açıqlayıb – Sevinc Əliyeva, Azər Nağıyev, Emin İsayev.

A.Bağırov bildirir ki, ailənin vəkil üçün maddi dəstəyə ehtiyacı haqda məqaləni oxuyandan dərhal sonra özü Elinanın anası Sevil Hüseynovanın telefonunu axtarıb tapıb, onunla əlaqə saxlayıb, onları vəkillə təmin etməyə hazır olduqlarını çatdırıb.

 
Ailə hələlik Vəkillər Kollegiyası rəhbərliyinin təklifinə konkret cavab verməyib. Sevil Hüseynova Bizimyol.info-ya açıqlamasında bildirib ki, bir müddət əvvəl vəkillə danışıb razılaşmışdılar. Həmin vəkil əvvəlcə onlara pulsuz hüquqi yardım göstərəcəyini desə də, sonradan pul istəyib: "Bizdən iki min pul istədi. Dedi ki, iki minə qədər xərc çıxacaq. Bizim də o qədər pulumuz yoxdur. Həm də bu iş prezidentin nəzarətindədir. Ona görə imtina elədim”.

S.Hüseynova bildirib ki, vəkil üçün maddi yardım məsələsi sosial şəbəkələrdə yayılandan sonra Təranə Əliyeva adlı vəkil gələrək, onlara təmənnasız hüquqi yardım göstərəcəyini deyib: "Hələ qəti qərar verməmişik, amma çox güman ki, vəkilimiz Təranə Əliyeva olacaq”.

E.Hacıyeva aprelin 6-da xəstəxanada dünyasını dəyişib. Onun ölümü ilə əlaqədar Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb. Hadisədən sonra 162 saylı məktəbin direktoru Sevinc Abbasova, direktor müavini Lalə Məhərrəmova, sinif rəhbəri Çimnaz Mehdiyeva və psixoloq Könül Ağayeva işdən çıxarılıb. Daha sonra Sevinc Abbasova cinayət məsuliyyətinə cəlb edilib. Ona qarşı Cinayət Məcəlləsinin 143 (təhlükədə qoyma) və 314.2-ci (səhlənkarlıq – ehtiyatsızlıqdan zərərçəkmiş şəxsin ölümünə səbəb olduqda) maddələri ilə ittiham irəli sürülüb. Amma o, həbs olunmayıb, barəsində ev dustaqlığı qətimkan tədbiri seçilib.

OXŞAR XƏBƏRLƏR

Peskovdan həbs edilən məmurla bağlı AÇIQLAMA: ”Xəyanət məsələsi…” 

Kremlin sözçüsü Dmitri Peskov Rusiya müdafiə nazirinin müavini Timur İvanovun həbs edilməsinə münasibət bildirib.   Sfera.az bildirir ki, o, bu barə...

Tanınmış həkim VƏFAT ETDİ - FOTO

Respublikanın sabiq baş pediatrı, Tibb elmləri doktoru, professor Nəsib Quliyev intihar edib.   Sfera.az xəbər verir ki, hadisə aprelin 24-də, m...

BŞİH-dən 153 saylı məktəbdəki tüstülənmə ilə bağlı AÇIQLAMA

153 nömrəli tam orta məktəbin kitabxanasının elektrik yuvasında qısaqapanma səbəbindən tüstülənmə baş verib.   Bu barədə Sfera.az-a Bakı Şəhər Təhsil...

Prezidentin uğurumuzun səbəbləri ilə bağlı açıqlaması bəzilərinə ciddi siqnaldır

Prezident İlham Əliyevin Rusiyaya səfər edəcəyinə dair məlumat ictimailəşdirildikdən sonra təkcə cəmiyyətimizdə deyil, ölkə xaricində də geniş müzakirələr başla...

Bu səbəbdən insanların ölüm riski ARTIB

İqlim dəyişikliyi səbəbindən qlobal istiləşmə xüsusilə Avropa qitəsinə dağıdıcı təsir göstərir.   Sfera.az xəbər verir ki, 2023-cü il Avropa İqlim H...

Azərbaycan Prezidenti qırğızıstanlı həmkarını COP29-a DƏVƏT ETDİ

Azərbaycan Prezidenti İlham Əliyev Qırğızıstan Prezidenti Sadır Japarovu COP29-a dəvət edib.   Sfera.az xəbər verir ki, bu barədə dövlət başçısı qırğ...