Sfera.az-ın məlumatına görə, bunu Xol Qaraqaşlı bələdiyyəsinə seçilmiş Vəfa Nağı deyib. Onun sözlərinə görə, Əlibala Səlimov vəzifəsindən də buna görə azad edilib:

"Əlibala Səlimov etiraf edib ki, nə yemişəm, köhnə  icra başçısı ilə yemişəm. O, ərizəsini icraya təqdim edib və çıxarıblar”.

V.Nağı beləcə bələdiyyə sədrinin sonunun gəldiyini vurğulayıb. "Bu günü də görmək qismət oldu”, - deyə o bildirib.

Qeyd edək ki, Neftçala rayon Xol Qaraqaşlı kənd (Bakıdan 174 kilometr cənub) bələdiyyəsinin hazırkı bələdiyyə sədri Elnur Səfərovdur. Bundan öncəki bələdiyyə sədri Əlibala Səlimov xəstəlik səbəbindən istefa verdiyini bildirmişdi.

Vəfa Nağı artıq bir ildən çoxdur ki, keçmiş sədr Əlibala Səlimovun qanunvericiliyin tələblərini pozması barədə hüquq mühafizə orqanları qarşısında məsələlər qaldırırdı. Onunla Xol Qaraqaşlı bələdiyyəsinin keçmiş sədri arasında münasibətlər Vəfa Nağının bələdiyyə büdcəsinin icrası ilə bağlı hesabat tələb etməsindən sonra gərginləşmişdi.