Əli Əsədov gerblə bağlı qərarı təsdiqlədi

Əli Əsədov gerblə bağlı qərarı təsdiqlədi

Baş nazir Əli Əsədov "Azərbaycan Respublikası Dövlət Gerbinin qabarıq təsvirinin istehsalı və vurulması Qaydası”nın təsdiq edilməsi haqqında qərar imzalayıb. 

Sfera.az bildirir ki, qərara əsasən, Azərbaycan Respublikası Dövlət Gerbinin qabarıq təsvirinin istehsalı və vurulması qaydası təsdiqlənir.

Bu Qayda "Azərbaycan Respublikasının Dövlət Gerbindən istifadə qaydaları haqqında” Azərbaycan Respublikasının 2019-cu il 19 fevral tarixli 1511-VQ nömrəli Qanununun 6.2-ci maddəsinə əsasən hazırlanmışdır və Azərbaycan Respublikası Dövlət Gerbinin (bundan sonra - Dövlət Gerbi) qabarıq təsvirinin istehsalı və vurulması qaydasını müəyyən edir.

Dövlət Gerbinin qabarıq təsviri, ölçüsündən asılı olmayaraq, onun Azərbaycan Respublikasının 2018-ci il 2 noyabr tarixli 1332-VKQ nömrəli Konstitusiya Qanunu ilə təsdiq edilmiş "Azərbaycan Respublikası Dövlət Gerbinin Təsviri”nə əlavə edilən rəngli, rəngsiz və sxematik təsvirlərinə uyğun gəlməlidir.

Azərbaycan Respublikası Dövlət Gerbinin Dövlət Gerbinin qabarıq təsviri "Azərbaycan Respub-likasının Dövlət Gerbindən istifadə qaydaları haqqında” Azərbaycan Respublikasının 2019-cu il 19 fevral tarixli 1511-VQ nömrəli Qanununun 6-cı maddəsinə əsasən Dövlət Gerbinin qabarıq təsvirindən istifadə hüququ olan subyektlərin sifarişi əsasında hazırlanır.

Dövlət Gerbinin qabarıq təsvirinin hazırlandığı materiallara dair tələblər müvafiq dövlət standartları ilə müəyyən edilir.

Dövlət Gerbinin qabarıq təsviri vurulacağı yerdən və ya istifadə məqsədindən asılı olaraq müxtəlif ölçülərdə ola bilər.

Dövlət Gerbi hazırlanan zaman təhrifə yol verilməməsi məqsədilə alovun qırmızı rənginin "Panton” rənglər kataloqunun "Pantone Red 032C” rəng koduna, palıd budaqlarının yaşıl rənginin "Pantone 7729C” rəng koduna, sünbüllərin sarı rənginin "Pantone 7548C” rəng koduna, qalxanın və ulduzun sağanaqlarının, qalxanın düymələrinin və palıd qozalarının qızılı rənginin "Pantone 111C” rəng koduna uyğunluğu təmin edilir.

Dövlət Gerbinin qabarıq təsviri "Azərbaycan Respub-likasının Dövlət Gerbindən istifadə qaydaları haqqında” Azərbaycan Respublikasının 2019-cu il 19 fevral tarixli 1511-VQ nömrəli Qanununun 6-cı maddəsində sadalanan şəxslərin xidməti otaqlarında iş masasının arxa divarının ortasında, divarın hündürlüyünün 2/3 səviyyəsində vurulur.

Dövlət Gerbinin qabarıq təsviri Azərbaycan Respublikası Milli Məclisinin iclas salonunda, Naxçıvan Muxtar Respublikasının Ali Məclisinin iclas salonunda və Azərbaycan Respublikasının bütün məhkəmələrinin iclas salonunda sədrlik edənin arxasında divardan vurulur.(yeni sabah)

 

OXŞAR XƏBƏRLƏR

Könül Nurullayeva: “Ermənistan hərbi bölmələrinin dinc əhalini hədəfə alması ciddi şəkildə qınanmalıdır”

 "Ermənistan silahlı birləşmələrinin sərhəd kəndlərini atəşə tutması, mülki əhalini hədəfə alması işğalçının terrorçu mahiyyətini bir daha təsdiqləyir. Təə...

DTX ordu ilə bağlı yalan məlumat yayanlara xəbərdarlıq etdi

 2020-ci il iyulun 12-dən başlayaraq Ermənistanın silahlı qüvvələrinin bölmələrinin təxribatları nəticəsində Azərbaycan-Ermənistan dövlət sərhədinin Tovuz ...

Sahibə Qafarova beynəlxalq təşkilatlara müraciət etdi

 Milli Məclisin sədri Sahibə Qafarova Türkdilli Dövlətlərin Parlament Assambleyası, Parlamentlərarası İttifaq, MDB PA Şurası, AŞPA, ATƏT PA, İslam Əməkdaşl...

“Azərbaycanın yanında olmağa davam edəcəyik” - Hulusi Akar

 "Təcavüzkar mövqeyini davam etdirən Ermənistana qarşı Azərbaycan Silahlı Qüvvələrinin yanında olmağa davam edəcəyik". Sfera.az xəbər verir ki, bu sö...

Azərbaycan və Türkiyə Xarici İşlər nazirləri arasında telefon danışığı olub

 Bu gün Xarici İşlər naziri Elmar Məmmədyarovun Türkiyə Cümhuriyyətinin Xarici İşlər naziri Mevlüt Çavuşoğlu ilə telefon danışığı baş tutub. Xarici İ...

Dünya ölkələri COVID-19-a qarşı mübarizə apardığı halda Ermənistan yenə də təcavüzkar niyyətindən əl çəkmir

 İyulun 12-də Ermənistan silahlı qüvvələri atəşkəs rejimini kobud şəkildə pozaraq Azərbaycan Ordusunun bölmələrinə qarşı növbəti təxribat törədiblər. Düşmə...