Əhali ticarətdə adambaşına 330 manat xərcləyib
13:44 / 10.09.2021
785
2021-ci ilin yanvar-avqust aylarında pərakəndə ticarət şəbəkəsində istehlakçılara 26,460 milyard manatlıq məhsul satılıb. Satılan məhsulun 14,35 milyard manatlıq hissəsi ərzaq məhsulları, içkilər və tütün məmulatlarından, 12,1 milyard manatlıq hissəsi qeyri-ərzaq mallarından ibarət olub.
Sfera.az Dövlət Statistika Komitəsinə istinadən xəbər verir ki, 2020-ci ilin yanvar-avqust ayları ilə müqayisədə pərakəndə ticarət dövriyyəsi real ifadədə 2,7 faiz, o cümlədən ərzaq məhsulları, içkilər və tütün məmulatları üzrə 2,4 faiz, qeyri-ərzaq malları üzrə 3,1 faiz artıb.
Bu il pərakəndə ticarət şəbəkəsində bir ölkə sakini orta hesabla ayda 330,3 manatlıq, o cümlədən 179,1 manatlıq ərzaq məhsulları, içkilər və tütün məmulatları, 151,2 manatlıq qeyri-ərzaq malları alıb.
Vasif
Sfera.az