Əhali ən çox hansı ödənişli xidmətlərdən istifadə edir?
16:44 / 06.07.2021
1469
2020-ci ildə xüsusi karantin rejiminin tətbiq edilməsi
ödənişli xidmətlərin həcminin dəyər ifadəsində 27 faizdən çox kiçilməsinə səbəb
olub. 2019-cu ildə 9,6 milyard manat olan pullu xidmətlər sektorunun həcmi ötən
il 2,6 milyard manatdan çox kiçilərək 7 milyard manat təşkil edib.
Sfera.az bildirir ki, pullu dimətlərdə azalma əksər
alt bölmədlərdə müşahidə edilib. Bəs, ötən il əhali ən çox hansı pullu xidmətlərdən
bəhrələnib?
Məlumatların təhlili göstərir ki, əhalinin ən çox istifadə
etdiyi 4 xidmət növü var. Bunlar rabitə, kommunal, nəqliyyat və məişət xidmətləridir.
Bu xidmətlərin hər birinin ümumi pullu xidmətlər bazarında payı 10 faizdən
çoxdur.
2020-ci ildə rabitə və kommunal xidmətlərdən
istifadə genişlənib, digər 2 əsas xidmətdən istifadə zəifləyib.
Əhali ən çox rabitə xidmətlərinə pul xərcləyir. Ötən
il əhalinin rabitə xərcləri 1,9 milyard manatdan 1,933 milyard manata yüksəlib.
Kommunal xidmətlərdən istifadəyə görə 1,47 milyard
manat xərclənib. 2019-cu ildə kommunal sektorda 1,43 milyard manat xərclənmişdi.
Ötən il nəqliyyat və məişət xidmətlərinə çəkilən xərc
xeyli azalıb. Nəqliyyat xidmətlərində azalma 800 milyon manat olub və xidmətlərin
həcmi 1,046 milyard manata düşüb.
Məişət xidmətlərində azalma isə 270 milyon manat təşkil
edib. Bu xidmətlərə çəkilən ümumi xərc 756 milyon manata qədər geriləyib.
Adıçəkilən 4 xidmət növünə çəkilən xərcin cəmi xidmətlərdə
payı 74,4 faizdir.
Vasif